Qazaqstanda jumys berýshiler qyzmetkerlerine 4,4 mıllıard teńge qaryz, dep habarlaıdy Dalanesws.kz.

Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti málimdedi. 

1 jeltoqsandaǵy málimet boıynsha, 277 kásiporynnyń 18,7 myń jumysshysy jalaqylaryn ala almaı otyr.

“Osy kásiporyn basshylaryna 249 oryndaý mindetti nusqama berildi. 50,3 mıllıon teńgeden astam aıyppul salyndy. 17,5 myńnan astam jumysshynyń quqyqtary qorǵalyp, olarǵa 3,4 mıllıard teńge tólendi”, – delingen habarlamada.

Memlekettik eńbek ınspektorlary 5039 tekserý júrgizip, 7583 zańbuzýshylyqty anyqtady. Onyń ishinde:

eńbek salasynda – 5723;

eńbek qaýipsizdigi men ony qorǵaý boıynsha – 1793;

halyqty jumyspen qamtý salasynda – 67.

Jumys berýshilerge 2998 nusqama berilip, 371 mıllıon teńge kóleminde 3359 ákimshilik aıyppul salyndy.