قازاقستاندا جۇمىس بەرۋشىلەر قىزمەتكەرلەرىنە 4،4 ميلليارد تەڭگە قارىز، دەپ حابارلايدى Dalanesws.kz.

بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى مالىمدەدى. 

1 جەلتوقسانداعى مالىمەت بويىنشا، 277 كاسىپورىننىڭ 18،7 مىڭ جۇمىسشىسى جالاقىلارىن الا الماي وتىر.

“وسى كاسىپورىن باسشىلارىنا 249 ورىنداۋ مىندەتتى نۇسقاما بەرىلدى. 50،3 ميلليون تەڭگەدەن استام ايىپپۇل سالىندى. 17،5 مىڭنان استام جۇمىسشىنىڭ قۇقىقتارى قورعالىپ، ولارعا 3،4 ميلليارد تەڭگە تولەندى”، – دەلىنگەن حابارلامادا.

مەملەكەتتىك ەڭبەك ينسپەكتورلارى 5039 تەكسەرۋ جۇرگىزىپ، 7583 زاڭبۇزۋشىلىقتى انىقتادى. ونىڭ ىشىندە:

ەڭبەك سالاسىندا – 5723؛

ەڭبەك قاۋىپسىزدىگى مەن ونى قورعاۋ بويىنشا – 1793؛

حالىقتى جۇمىسپەن قامتۋ سالاسىندا – 67.

جۇمىس بەرۋشىلەرگە 2998 نۇسقاما بەرىلىپ، 371 ميلليون تەڭگە كولەمىندە 3359 اكىمشىلىك ايىپپۇل سالىندى.