Qazaqstandy qazaq halqymen birge basqa ulttardyń taǵdyr taýqymetimen elimizge kelip qalǵan diasporalary mekendeidi. «130 ulttyń ókili turady» degenimizben aqiqatynda Qazaqstanda sany júz myńnan asatyn toǵyz ult diasporasy (orys, ózbek, ýkrain, uiǵyr, tatar, nemis, túrik, korei, ázirbaijan) ǵana bar.
Elimizdegi eki chýkcha, bir shor, úsh tofalary, tórt veps, jeti býriat, on qalmaq taǵy basqalardy keńestik psihologiiamen árqaisysyn jeke-jeke ultqa esepteýdiń ne keregi bar? Olar da óz etnostarynyń jai ókilderi ǵana.
2016 jylǵy 1 mamyrdaǵy statistikalyq derekter boiynsha. elimizde 17 753 200 adam bar eken. Halqynyń sany jaǵynan elimiz álemde 63-orynda. Elimizdegi memleket quraýshy ult – Qazaqtar 67 paiyz bolsa, qalǵandary: orystar 3,5 mln (20%), ýkraindar 290 myń (1,64%), ózbekter 550 myń (3,11%), uiǵyrlar 256 myń (1,45%), tatarlar 202 myń (1,15%), nemister 181 myń (1%). Sondyqtan, Qazaqstandaǵy qazaqtardan basqany «ult» dep ataýdyń ǵylymi negizi joq.
Óitkeni, ult bolý úshin sol aimaqta sol ulttyń óz jeri, óz shekarasy bolý kerek. Al, biz tipti sany bir paiyzǵa da jetpeitin diaspora ókilderin ult dep ataýǵa qushtarlanamyz. Bul jalpaq shesheilik saiasattan týyndaǵan ýaqytsha qubylys dep oilaimyn.
Dúnie júzinde jergilikti ult barsha halqynyń 2/3 bóliginen assa ol monoultty memleket dep sanalatyn halyqaralyq praktika qalyptasqan. Osy turǵydan alǵanda Qazaqstan (qazaqtar - 67%) qazir monoultty memleket!
Qazaq halqynyń qalmaq-jońǵar shapqynshylyǵyna qarsy shaiqastaryna, úsh ǵasyr boiy patshalyq Reseige qarsy 400-den astam ult-azattyq kóterilisterine qazaqtan basqa eshkim qatysqan joq. Sondyqtan óz Elinde, óz Jerinde, óz Tilimen óz Memlekettiligin qurýǵa jáne nyǵaitýǵa qazaq halqynyń Jaratýshy bergen qanuni jáne moraldyq quqyǵy bar.
Qazaqstan qazaqtardyń memleketi ekendigin, orystardyń intellektýaldyq keleshegi tek Reseimen bailanysty ekendigin elimizdegi orys diasporasy da túsine bastady. Sondyqtan, olardyń balalary negizinen Reseidiń joǵary oqý oryndarynda oqidy, bitirgen soń sol jaqta qalyp jatyr.
Qazaqstandaǵy 25 jasqa deiingi balalar men jastardyń jalpy sanynda qazaqtar qazir 85 paiyzǵa jetti. Endi qudai qalasa, taiaý jyldarda elimizdegi qazaqtar 80 paiyzǵa jetedi. Bul qazaqtardyń Qazaqstanda turatyn túrli ult ókilderiniń azamattyq quqyqtaryna qamqorlyq jasai otyryp, óziniń monoulttyq memleketin qalyptastyrýǵa tolyq múmkindik beredi degen sóz!
Marat Toqashbaevtyń Feisbýktegi paraqshasynan alyndy
