QR Qarjy naryǵyn retteý jáne damytý agenttigi beirezidentterdiń tólem kartochkalarynyń qoldanys merzimin bir jylǵa ǵana jaramdy etetin tiisti zańnamaǵa ózgeris engizdi, dep jazady Dalanews.kz.
Oǵan sáikes, esirtki quraldarynyń jáne tsifrlyq aktivterdiń zańsyz ainalymy salasynda bank qyzmetterin paidalaný táýekelderin barynsha azaitý maqsatynda Qylmystyq jolmen alynǵan kiristerdi zańdastyrýǵa (jylystatýǵa) jáne terrorizmdi qarjylandyrýǵa qarsy is-qimyl maqsatynda ishki baqylaý qaǵidalaryna qoiylatyn talaptarǵa jáne ekinshi deńgeidegi bankterge, Qazaqstan Respýblikasynyń beirezident-bankteriniń filialdaryna arnalǵan táýekelderdi basqarý jáne ishki baqylaý júiesin qalyptastyrý qaǵidalaryna mynadai túzetýler engizildi:
qarjylyq monitoringti júzege asyratyn memlekettik organ bekitken, qylmystyq kiristerdi zańdastyrý (jylystatý) jáne terrorizmdi qarjylandyrý tipologiialaryna, shemalary men tásilderine sáikes keletin sipattamalary bar operatsiialardy anyqtaýdy avtomattandyrý boiynsha bankterge:
- esirtkini zańsyz óndirý, ainalymy jáne (nemese) tranzitimen;
- tizbesin ýákiletti organ qalyptastyratyn "Astana" halyqaralyq qarjy ortalyǵynyń qatysýshylary bolyp tabylmaityn tsifrlyq aktivter birjalarynyń paidasyna tólemder men aqsha aýdarymdaryn júzege asyrýmen;
- elektrondyq kazino men internet-kazinonyń paidasyna tólemder jáne (nemese) aqsha aýdarymdaryn júzege asyrýmen bailanysty qoiylatyn talaptar belgilendi.
- Qazaqstan Respýblikasynyń beirezidentteri úshin tólem kartochkalarynyń qoldanys merzimi boiynsha 12 ai shekteýler belgilendi.
- bir klientke tólem kartalarynyń sany qysqartyldy.
Jańa talaptarǵa sáikes, sonymen qatar EDB-lardan bir bankten besten asa tólem kartasyn, sondai-aq úsh túrli banktiń árqaisysynan úsh tólem kartasyn tirkegen klientterdi qatań baǵalaý talap etiledi.
