ق ر قارجى نارىعىن رەتتەۋ جانە دامىتۋ اگەنتتىگى بەيرەزيدەنتتەردىڭ تولەم كارتوچكالارىنىڭ قولدانىس مەرزىمىن ءبىر جىلعا عانا جارامدى ەتەتىن ءتيىستى زاڭناماعا وزگەرىس ەنگىزدى، دەپ جازادى Dalanews.kz.
وعان سايكەس، ەسىرتكى قۇرالدارىنىڭ جانە سيفرلىق اكتيۆتەردىڭ زاڭسىز اينالىمى سالاسىندا بانك قىزمەتتەرىن پايدالانۋ تاۋەكەلدەرىن بارىنشا ازايتۋ ماقساتىندا قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل ماقساتىندا ىشكى باقىلاۋ قاعيدالارىنا قويىلاتىن تالاپتارعا جانە ەكىنشى دەڭگەيدەگى بانكتەرگە، قازاقستان رەسپۋبليكاسىنىڭ بەيرەزيدەنت-بانكتەرىنىڭ فيليالدارىنا ارنالعان تاۋەكەلدەردى باسقارۋ جانە ىشكى باقىلاۋ جۇيەسىن قالىپتاستىرۋ قاعيدالارىنا مىناداي تۇزەتۋلەر ەنگىزىلدى:
قارجىلىق مونيتورينگتى جۇزەگە اسىراتىن مەملەكەتتىك ورگان بەكىتكەن، قىلمىستىق كىرىستەردى زاڭداستىرۋ (جىلىستاتۋ) جانە تەرروريزمدى قارجىلاندىرۋ تيپولوگيالارىنا، سحەمالارى مەن تاسىلدەرىنە سايكەس كەلەتىن سيپاتتامالارى بار وپەراسيالاردى انىقتاۋدى اۆتوماتتاندىرۋ بويىنشا بانكتەرگە:
- ەسىرتكىنى زاڭسىز ءوندىرۋ، اينالىمى جانە (نەمەسە) ترانزيتىمەن؛
- تىزبەسىن ۋاكىلەتتى ورگان قالىپتاستىراتىن "استانا" حالىقارالىق قارجى ورتالىعىنىڭ قاتىسۋشىلارى بولىپ تابىلمايتىن سيفرلىق اكتيۆتەر بيرجالارىنىڭ پايداسىنا تولەمدەر مەن اقشا اۋدارىمدارىن جۇزەگە اسىرۋمەن؛
- ەلەكتروندىق كازينو مەن ينتەرنەت-كازينونىڭ پايداسىنا تولەمدەر جانە (نەمەسە) اقشا اۋدارىمدارىن جۇزەگە اسىرۋمەن بايلانىستى قويىلاتىن تالاپتار بەلگىلەندى.
- قازاقستان رەسپۋبليكاسىنىڭ بەيرەزيدەنتتەرى ءۇشىن تولەم كارتوچكالارىنىڭ قولدانىس مەرزىمى بويىنشا 12 اي شەكتەۋلەر بەلگىلەندى.
- ءبىر كليەنتكە تولەم كارتالارىنىڭ سانى قىسقارتىلدى.
جاڭا تالاپتارعا سايكەس، سونىمەن قاتار ەدب-لاردان ءبىر بانكتەن بەستەن اسا تولەم كارتاسىن، سونداي-اق ءۇش ءتۇرلى بانكتىڭ ءارقايسىسىنان ءۇش تولەم كارتاسىن تىركەگەن كليەنتتەردى قاتاڭ باعالاۋ تالاپ ەتىلەدى.
