10 shildeden bastap taǵy bes jolda ortasha jyldamdyq engizildi, dep habarlaidy dalanews.kz.
IIM málimetinshe, jol apatynyń aldyn alýdyń tiimdi sharalarynyń biri - joldarda kóliktiń ortasha jyldamdyǵyn baqylaý. Byltyrǵy 17 naýryzdan bastap respýblikalyq mańyzy bar aqyly joldardyń uzyndyǵy eki myń shaqyrym bolatyn segiz ýchaskesinde ortasha jyldamdyq baqylanady.
10 shildeden bastap bul júie uzyndyǵy 525 shaqyrym bolatyn taǵy bes ýchaskede iske qosylady: Aqtóbe - Qandyaǵash, Almaty - Qorǵas, Kókshetaý - Petropavl, Astana - Temirtaý, Astana - Shýchinsk tasjoldarynyń qosymsha ýchaskeleri.
"Qazir jalpy uzyndyǵy shamamen 2,5 myń shaqyrym bolatyn taǵy 14 aqyly jol ýchaskesin kezeń-kezeńimen osy júiege qosý máselesi qarastyrylyp jatyr. Ortasha jyldamdyqty baqylaý júiesin engizýdegi basty maqsat - júrgizýshilerdi jazalaý emes, adam ómirin saqtaý" - dedi IIM ákimshilik politsiia komitetiniń erekshe tapsyrmalar jónindegi aǵa inspektory Aqtoty Boranova.
