Qazaqstanda basqa elderge kómek kórsetetin agenttik qurylady
Jańa uiymnyń basty mindeti – basqa memleketterge kómek kórsetý. Bul týraly Syrtqy ister ministrligi habarlady.
Kommertsiialyq emes agenttiktiń jarǵylyq kapitaly respýblikalyq biýdjet esebinen qalyptasady. Uiymdy qurýǵa 138 mln teńge jumsalady. Munda halyqaralyq biznes salasynda tájiribeden ótken 15 maman qyzmet etedi. Aldymen Ortalyq Aziia memleketterine kómek berý sharalary qolǵa alynbaq.
Ministrlik ókilderiniń aitýynsha, tek gýmanitarlyq kómek emes, basqalai da qoldaý bolady. Mysaly, stýdentterge grant bólý jáne meditsina salasynda áriptestik ornatý josparlanǵan. Jalpy táýelsizdik jyldary Qazaqstan Aýǵanstan men basqa da damýshy elderge 500 mln dollardan astam qarjyǵa kómek kórsetken.
Erjan Ashyqbaev, QR Syrtqy ister ministriniń orynbasary:
- Damýǵa resmi kómektiń gýmanitarlyq jáne basqa da kómekterden ereksheligi – ekonomika men adami kapitaldy damytýǵa baǵyttalady. Jáne bul uzaq merzimdi jobalarǵa arnalǵan. Al, gýmanitarlyq kómek ózekti másele týyndaǵan kezde ǵana jiberedi. Damýdyń resmi kómegi syrtqy saiasatty nyǵaitýdyń quraly dep aitýǵa bolady. Álemde qazir bir-birine qol ushyn berý, qoldaý kórsetý mańyzdy bolyp tur.
