Ulttyq bank qazaqstandyqtardyń banktik shotynan urlanǵan qarajatty qaitarý protsesin edáýir jeńildetetin túzetýler engizilgenin málimdedi. Endi kúdikti operatsiialar boiynsha buǵattalǵan aqshany qaitarý úshin sot sheshimi talap etilmeidi, dep habarlaidy Dalanews.kz.
Qarajat tergeý organy jibergen habarlama men prokýrordyń sanktsiiasy negizinde qaitarylady. Buǵan deiin mundai qarajatty qaitarý sot qaraýynyń uzaqtyǵyna bailanysty birneshe aiǵa sozylyp ketetin.
Sonymen qatar Antifrod ortalyǵy janynan alaiaqtyq operatsiialarǵa qatysy bar kartalar men elektrondy ámiiandardyń biryńǵai derekter qory qurylady. Kúdikti tranzaktsiialardy buǵattaý merzimi 3 jumys kúninen 5 kúnge uzartyldy. Bul bankterge qosymsha tekserý júrgizýge múmkindik beredi.
Alaiaqtyq kúdigimen ýaqytsha buǵattalǵan shot ieleri áleýmettik tólemderge: zeinetaqyǵa, járdemaqyǵa, stipendiiaǵa jáne eńbekaqyǵa qoljetimdiligin saqtap qalady.
Sondai-aq zań óz derekterin qasaqana qylmyskerlerge berýdi bildiretin "dropperlikke" qylmystyq jaýapkershilik engizedi. Bul kóleńkeli qarjy ainalymyna jáne aqshany jylystatýǵa qarsy kúreske baǵyttalǵan shara.
"Bul ózgerister alaiaqtyqqa, esirtki saýdasyna, qarjy piramidalaryna jáne zańsyz oiyn biznesine qarsy kúresti kúsheitip, alaiaqtyq áreketterge jedel jaýap qaitarýǵa múmkindik beredi", — dedi Ulttyq bank tóraǵasynyń orynbasary Berik Sholpanqulov.
Aldaǵy ýaqytta Antifrod ortalyǵynyń jumysyna jasandy intellekt tehnologiialaryn engizý josparlanyp otyr. Bul júie kúdikti aýdarymdardy avtomatty túrde anyqtap, bankter arasyndaǵy deńgeide buǵattaýǵa jol ashady. Ortalyq Bas prokýratýramen, UQK-men, Tsifrlyq damý ministrligimen jáne mobildi operatorlarmen tyǵyz bailanysta jumys istemek.
