2024 jyldyń qazan aiynda Birinshi nesielik biýro operatory bolyp tabylatyn DMAS strestik aktivterdi satýshy alǵashqy tsifrlyq platforma iske qosyldy. Onyń aiasynda alǵashqy saýda-sattyq 19 qarashada júrgizildi. Nátijesinde Halyq banktiń balansyndaǵy bes jyljymaityn múlik 1,3 mlrd teńgege satyldy, dep jazady Dalanews.kz.
Búgingi tańda tsifrlyq platformada "FintehFinans" MQU jáne Fridom Bank Qazaqstan, Halyq banki, TsKB siiaqty qarjy uiymdaryna tiesili 25 aktiv ornalastyrylǵan. Ádette, bul aktivterdi satyp alýshylar mikroqarjy uiymdary, kollektorlyq agenttikter, strestik aktivterdi basqarý uiymdary jáne jeke tulǵalar bolyp keledi, dep jazady LS.
Aita ketsek, 2022 jyldyń jazynda Memleket basshysy Qasym-Jomart Toqaev Qazaqstandaǵy strestik aktivterdi damytý máseleleri týraly Zańǵa qol qoidy. Keiinirek QNDRA atalǵan naryqtyń kólemi shamamen 2,4 trln teńgeni quraitynyn jariialady.
Sonymen qatar, QNDRA strestik aktivterge qatysty saýda-sattyq talaptaryn qaita qarastyrý nieti baryn da málimdegen. Atap aitqanda, retteýshi organ saýda-sattyq týraly habarlandyrýdy jariialaý merzimin ótkiziletin ýaqytyna deiin 15-ten 10 kúnge deiin qysqartýdy usynady.
Sondai-aq, agenttik saýda-sattyqqa qoiylǵan obektiniń eń tómengi baǵasyn kezeń-kezeńimen tómendetýdi qarastyrǵysy keledi. Atap aitqanda, ekinshi saýda- sattyqqa shyǵarylǵan obekti baǵasy naryqtyq qunynyń 70% - dan aspaýy tiis, onda da ótpei, kelesi saýda-sattyqqa shyǵarylsa 50%-dan artylmaýy kerek.
