Qazaqstanda balalar lagerlerine qoiylatyn talaptar kúsheitiledi, dep habarlaidy dalanews.kz.
Biyl jazdan bastap biýdjet esebinen qarjylandyrylatyn balalar mekemelerine qatysty memlekettik baqylaýdyń erekshe tártibi engiziledi. Bul týraly Úkimet otyrysynda Densaýlyq saqtaý ministri Aqmaral Álnazarova málimdedi.
Ministrdiń aitýynsha, jańa tásil sońǵy úsh jylda tirkelgen toptyq infektsiialyq aýrýlardyń aldyn alýǵa baǵyttalǵan.
Jańa tártip boiynsha 1 maýsymnan bastap mektepter men saýyqtyrý ortalyqtaryna monitoring júrgiziledi, al 1 shildeden bastap balalar bolatyn nysandarda josparly tekserýler bastalady.
Tekserý kezinde sanitarlyq jaǵdai, ashanalardyń jumysy, ruqsat qujattary jáne balalardyń qaýipsizdigi qaralady.
Jyl basynan beri sanitarlyq qyzmet mamandary 347 mektepke tekserý júrgizgen, onyń ishinde 49 as blogy qamtylǵan.
Ministrdiń sózinshe, negizgi zańbuzýshylyqtar júieli sipatqa ie.
«Jekelegen mektepterdiń apattyq jaǵdaiy, sanitarlyq-tehnikalyq talaptardyń saqtalmaýy jáne sanitariialyq-epidemiologiialyq qorytyndylardyń bolmaýy balalardyń densaýlyǵyna keri áser etedi», – dedi Aqmaral Álnazarova.
Biyl elde 187 jazǵy saýyqtyrý uiymyn ashý josparlanǵanymen, ázirge olardyń tek 53 paiyzy ǵana ótinim bergen.
Ministrlik ásirese ruqsat qujattary joq jekemenshik lagerlerge alańdaýshylyq bildirip otyr.
Anyqtalǵan faktiler boiynsha materialdar prokýratýraǵa, politsiiaǵa jáne jergilikti atqarýshy organdarǵa jiberilgen.
Lagerlerge baqylaýdyń kúsheiýi kezdeisoq emes. Sońǵy eki jylda balalardy demalys ornyna beiimdelmegen nysandarǵa ornalastyrý qoǵamda úlken rezonans týdyrǵan bolatyn.
Eń daýly jaǵdailardyń biri 2023 jyly Almaty oblysynda bolǵan «saýnadaǵy lager» oqiǵasy boldy. Sol kezde áleýmettik osal toptaǵy balalarǵa arnalǵan demalys orny retinde usynylǵan «Arman dala» lagerinde oqýshylardyń bir bóligi saýna men demalys kesheni ornalasqan ǵimarattarǵa ornalastyrylǵany belgili boldy. Keiin balalar lagerden shyǵarylyp, tekserý bastalǵan.
Oqiǵadan keiin quqyq qorǵaý organdary qylmystyq is qozǵaǵan. Tergeý barysynda balalardyń demalysy talapqa sai uiymdastyrylmaǵany, al keibir nysandardyń tolyqqandy lager retinde beiimdelmegeni aityldy.
Sol kezeńde qoǵamda balalardyń kottedjderde, ýaqytsha jalǵa alynǵan úilerde jáne beiimdelmegen jeke nysandarda ornalastyrylýy da qyzý talqylanǵan edi. Bul másele balalar lagerlerin litsenziialaý, sanitarlyq baqylaýdy kúsheitý jáne jekemenshik demalys oryndaryn qaita tekserý talabyn kúsheitti.
Byltyr Úkimet deńgeiinde de bul másele kóterilgen. Premer-ministr balalardyń qaitadan saýnada ornalasýyna jol bermeý kerektigin aityp, jaýapty organdarǵa tapsyrma bergen edi.
Endi jańa baqylaý tetigi dál osyndai jaǵdailardyń qaitalanbaýyna baǵyttalmaq. Bilik balalar lagerlerindegi qaýipsizdik talaptaryn kúsheitip, ruqsatsyz jumys isteitin nysandardy anyqtaýǵa kirisedi.
