قازاقستاندا بالالار لاگەرلەرٸنە قويىلاتىن تالاپتار كٷشەيتٸلەدٸ, دەپ حابارلايدى dalanews.kz.
بيىل جازدان باستاپ بيۋدجەت ەسەبٸنەن قارجىلاندىرىلاتىن بالالار مەكەمەلەرٸنە قاتىستى مەملەكەتتٸك باقىلاۋدىڭ ەرەكشە تەرتٸبٸ ەنگٸزٸلەدٸ. بۇل تۋرالى ٷكٸمەت وتىرىسىندا دەنساۋلىق ساقتاۋ مينيسترٸ اقمارال ەلنازاروۆا مەلٸمدەدٸ.
مينيستردٸڭ ايتۋىنشا, جاڭا تەسٸل سوڭعى ٷش جىلدا تٸركەلگەن توپتىق ينفەكتسييالىق اۋرۋلاردىڭ الدىن الۋعا باعىتتالعان.
جاڭا تەرتٸپ بويىنشا 1 ماۋسىمنان باستاپ مەكتەپتەر مەن ساۋىقتىرۋ ورتالىقتارىنا مونيتورينگ جٷرگٸزٸلەدٸ, ال 1 شٸلدەدەن باستاپ بالالار بولاتىن نىسانداردا جوسپارلى تەكسەرۋلەر باستالادى.
تەكسەرۋ كەزٸندە سانيتارلىق جاعداي, اسحانالاردىڭ جۇمىسى, رۇقسات قۇجاتتارى جەنە بالالاردىڭ قاۋٸپسٸزدٸگٸ قارالادى.
جىل باسىنان بەرٸ سانيتارلىق قىزمەت ماماندارى 347 مەكتەپكە تەكسەرۋ جٷرگٸزگەن, ونىڭ ٸشٸندە 49 اس بلوگى قامتىلعان.
مينيستردٸڭ سٶزٸنشە, نەگٸزگٸ زاڭبۇزۋشىلىقتار جٷيەلٸ سيپاتقا يە.
«جەكەلەگەن مەكتەپتەردٸڭ اپاتتىق جاعدايى, سانيتارلىق-تەحنيكالىق تالاپتاردىڭ ساقتالماۋى جەنە سانيتارييالىق-ەپيدەميولوگييالىق قورىتىندىلاردىڭ بولماۋى بالالاردىڭ دەنساۋلىعىنا كەرٸ ەسەر ەتەدٸ», – دەدٸ اقمارال ەلنازاروۆا.
بيىل ەلدە 187 جازعى ساۋىقتىرۋ ۇيىمىن اشۋ جوسپارلانعانىمەن, ەزٸرگە ولاردىڭ تەك 53 پايىزى عانا ٶتٸنٸم بەرگەن.
مينيسترلٸك ەسٸرەسە رۇقسات قۇجاتتارى جوق جەكەمەنشٸك لاگەرلەرگە الاڭداۋشىلىق بٸلدٸرٸپ وتىر.
انىقتالعان فاكتٸلەر بويىنشا ماتەريالدار پروكۋراتۋراعا, پوليتسيياعا جەنە جەرگٸلٸكتٸ اتقارۋشى ورگاندارعا جٸبەرٸلگەن.
لاگەرلەرگە باقىلاۋدىڭ كٷشەيۋٸ كەزدەيسوق ەمەس. سوڭعى ەكٸ جىلدا بالالاردى دەمالىس ورنىنا بەيٸمدەلمەگەن نىساندارعا ورنالاستىرۋ قوعامدا ٷلكەن رەزونانس تۋدىرعان بولاتىن.
ەڭ داۋلى جاعدايلاردىڭ بٸرٸ 2023 جىلى الماتى وبلىسىندا بولعان «ساۋناداعى لاگەر» وقيعاسى بولدى. سول كەزدە ەلەۋمەتتٸك وسال توپتاعى بالالارعا ارنالعان دەمالىس ورنى رەتٸندە ۇسىنىلعان «ارمان دالا» لاگەرٸندە وقۋشىلاردىڭ بٸر بٶلٸگٸ ساۋنا مەن دەمالىس كەشەنٸ ورنالاسقان عيماراتتارعا ورنالاستىرىلعانى بەلگٸلٸ بولدى. كەيٸن بالالار لاگەردەن شىعارىلىپ, تەكسەرۋ باستالعان.
وقيعادان كەيٸن قۇقىق قورعاۋ ورگاندارى قىلمىستىق ٸس قوزعاعان. تەرگەۋ بارىسىندا بالالاردىڭ دەمالىسى تالاپقا ساي ۇيىمداستىرىلماعانى, ال كەيبٸر نىسانداردىڭ تولىققاندى لاگەر رەتٸندە بەيٸمدەلمەگەنٸ ايتىلدى.
سول كەزەڭدە قوعامدا بالالاردىڭ كوتتەدجدەردە, ۋاقىتشا جالعا الىنعان ٷيلەردە جەنە بەيٸمدەلمەگەن جەكە نىسانداردا ورنالاستىرىلۋى دا قىزۋ تالقىلانعان ەدٸ. بۇل مەسەلە بالالار لاگەرلەرٸن ليتسەنزييالاۋ, سانيتارلىق باقىلاۋدى كٷشەيتۋ جەنە جەكەمەنشٸك دەمالىس ورىندارىن قايتا تەكسەرۋ تالابىن كٷشەيتتٸ.
بىلتىر ٷكٸمەت دەڭگەيٸندە دە بۇل مەسەلە كٶتەرٸلگەن. پرەمەر-مينيستر بالالاردىڭ قايتادان ساۋنادا ورنالاسۋىنا جول بەرمەۋ كەرەكتٸگٸن ايتىپ, جاۋاپتى ورگاندارعا تاپسىرما بەرگەن ەدٸ.
ەندٸ جاڭا باقىلاۋ تەتٸگٸ دەل وسىنداي جاعدايلاردىڭ قايتالانباۋىنا باعىتتالماق. بيلٸك بالالار لاگەرلەرٸندەگٸ قاۋٸپسٸزدٸك تالاپتارىن كٷشەيتٸپ, رۇقساتسىز جۇمىس ٸستەيتٸن نىسانداردى انىقتاۋعا كٸرٸسەدٸ.
