Qazaqstanda 2026 jyldyń alǵashqy toqsany boiynsha ákimshilik aiyppuldarǵa qatysty qyzyq úrdis baiqaldy. Quqyqbuzýshylyq sany sál azaiǵanymen, salynǵan aiyppuldardyń jalpy kólemi aitarlyqtai artqan, dep habarlaidy Dalanews.kz.
Resmi derekterge sáikes, osy kezeńde 3,6 million adam ákimshilik jaýapkershilikke tartylǵan. Protenge telegram arnasynyń málimetinshe, bul byltyrǵynyń sáikes kezeńimen salystyrǵanda 3 paiyz tómen. Aiyppul sany da azdap qysqarǵany baiqalady.
Alaida salynǵan aiyppuldardyń jalpy somasy kerisinshe kúrt ósken. Biyl birinshi toqsanda óndirilgen aiyppul somasy 77,9 mlrd teńgege jetti. Byltyr bul kórsetkish 62,7 mlrd teńge bolǵan.Nátijesinde ósim 24,2 paiyzdy qurady.
Sonymen qatar qazaqstandyqtardyń aiyppul tóleý tártibi de jaqsarǵan. Qazirgi tańda 43,9 mlrd teńge tólengen. Degenmen memleket aldynda áli 33,9 mlrd teńge bereshek bar.
Taǵy bir mańyzdy kórsetkish - toqtatylǵan ákimshilik ister sanynyń azaiýy. Bul kórsetkish 23,1 paiyz tómendep, 71 myńnan 54,7 myńǵa deiin qysqarǵan.
Jalpy alǵanda, quqyqbuzýshylyq sany azaimasa da, aiyppul somasynyń ósýi jazalardyń kúsheiip jatqanyn kórsetedi. Jyl qorytyndysy boiynsha naqty úrdis qandai bolatynyn ýaqyt kórsetedi.
