قازاقستاندا 2026 جىلدىڭ العاشقى توقسانى بويىنشا ەكٸمشٸلٸك ايىپپۇلدارعا قاتىستى قىزىق ٷردٸس بايقالدى. قۇقىقبۇزۋشىلىق سانى سەل ازايعانىمەن, سالىنعان ايىپپۇلداردىڭ جالپى كٶلەمٸ ايتارلىقتاي ارتقان, دەپ حابارلايدى Dalanews.kz.
رەسمي دەرەكتەرگە سەيكەس, وسى كەزەڭدە 3,6 ميلليون ادام ەكٸمشٸلٸك جاۋاپكەرشٸلٸككە تارتىلعان. Protenge تەلەگرام ارناسىنىڭ مەلٸمەتٸنشە, بۇل بىلتىرعىنىڭ سەيكەس كەزەڭٸمەن سالىستىرعاندا 3 پايىز تٶمەن. ايىپپۇل سانى دا ازداپ قىسقارعانى بايقالادى.
الايدا سالىنعان ايىپپۇلداردىڭ جالپى سوماسى كەرٸسٸنشە كٷرت ٶسكەن. بيىل بٸرٸنشٸ توقساندا ٶندٸرٸلگەن ايىپپۇل سوماسى 77,9 ملرد تەڭگەگە جەتتٸ. بىلتىر بۇل كٶرسەتكٸش 62,7 ملرد تەڭگە بولعان.نەتيجەسٸندە ٶسٸم 24,2 پايىزدى قۇرادى.
سونىمەن قاتار قازاقستاندىقتاردىڭ ايىپپۇل تٶلەۋ تەرتٸبٸ دە جاقسارعان. قازٸرگٸ تاڭدا 43,9 ملرد تەڭگە تٶلەنگەن. دەگەنمەن مەملەكەت الدىندا ەلٸ 33,9 ملرد تەڭگە بەرەشەك بار.
تاعى بٸر ماڭىزدى كٶرسەتكٸش - توقتاتىلعان ەكٸمشٸلٸك ٸستەر سانىنىڭ ازايۋى. بۇل كٶرسەتكٸش 23,1 پايىز تٶمەندەپ, 71 مىڭنان 54,7 مىڭعا دەيٸن قىسقارعان.
جالپى العاندا, قۇقىقبۇزۋشىلىق سانى ازايماسا دا, ايىپپۇل سوماسىنىڭ ٶسۋٸ جازالاردىڭ كٷشەيٸپ جاتقانىن كٶرسەتەدٸ. جىل قورىتىندىسى بويىنشا ناقتى ٷردٸس قانداي بولاتىنىن ۋاقىت كٶرسەتەدٸ.
