Alaiaqtyq boiynsha asa iri mólsherde kúdikke ilingen tulǵa Grekiiadan ekstraditsiialandy, dep habarlaidy Dalanews.kz.
Búgin Qazaqstan Respýblikasy Bas prokýratýrasy men Ishki ister ministrliginiń Interpol qyzmetkerleri Grekiiadaǵy Qazaqstan Elshiliginiń járdemimen atalǵan elden asa iri mólsherde alaiaqtyq jasady degen kúdikpen Qazaqstan Respýblikasynyń azamatshasyn ekstraditsiialady.
Ol 2021 jyly, Almaty qalasyndaǵy tasymaldaý kompaniiasynda býhgalter bolyp jumys istei otyryp, óziniń basshysynan 230 000 AQSh dollaryn banktik seif uiashyǵynda saqtaý syltaýymen alyp, olardy iemdenip ketken degen kúdikke ilingen.
Qylmys jasaǵannan keiin ol jasyrynyp, osyǵan bailanysty halyqaralyq izdeýge jariialanǵan.
2024 jylǵy maýsymda ol Grekiia aýmaǵynda ustalyp, Qazaqstan Respýblikasy Bas prokýratýrasynyń suraýy boiynsha Otanyna ekstraditsiialandy.
Qazaqstan men Grekiia arasynda tikelei áýe qatynasynyń bolmaýyna bailanysty ony Serbiia aýmaǵy arqyly tranzittik tasymaldaýdy uiymdastyrýǵa Qazaqstannyń Serbiia Respýblikasyndaǵy Elshiligi qolǵabys kórsetti.
Qazirgi ýaqytta kúdikti Astana qalasynyń tergeý izoliatoryna qamaýǵa alyndy.
Oǵan taǵylyp otyrǵan qylmys úshin múlki tárkilenip, belgili bir laýazymdardy atqarý nemese belgili bir qyzmetpen ainalysý quqyǵynan on jylǵa deiingi merzimge aiyra otyryp, on jylǵa deiingi merzimge bas bostandyǵynan aiyrý jazasy kózdelgen.
