Astanada Qazaqstan Respýblikasynyń Atom energetikasy agenttiginiń tóraǵasy Almasadam Sátqaliev Qytai Halyq Respýblikasynyń Ekologiia jáne qorshaǵan ortany qorǵaý ministriniń orynbasary, Iadrolyq qaýipsizdik jónindegi ulttyq basqarmanyń basshysy Don Baotonmen kezdesti, dep habarlaidy Dalanews.kz.
Kezdesý barysynda taraptar beibit maqsattaǵy atom energetikasy salasyndaǵy ekijaqty yntymaqtastyqty damytý máselelerin talqylady. Atap aitqanda, retteýshi organdar arasyndaǵy tájiribe almasý, litsenziialaý, tehnikalyq saraptama jáne qadaǵalaý salalaryndaǵy ózara is-qimyldyń jańa múmkindikteri sóz boldy.
Almasadam Sátqaliev Qytai delegatsiiasyn Atom energetikasy agenttiginiń qyzmetimen jáne onyń qurylymyndaǵy jańa organ – Atomdyq qadaǵalaý jáne baqylaý komitetimen tanystyrdy. Ol Qazaqstannyń iadrolyq qaýipsizdik pen ekologiialyq turaqtylyqqa qatysty halyqaralyq standarttar men úzdik álemdik tájiribelerdi engizip jatqanyn atap ótti.
Kelissózder aiasynda atom elektr stantsiiasy (AES) jobasyn iske asyrý, iadrolyq otyn tsikli boiynsha yqtimal seriktestik pen ǵylymi-tehnikalyq infraqurylymdy damytý máselelerine erekshe nazar aýdaryldy. Qazaqstan tarapy Qytaidyń iadrolyq jáne sý-ekologiialyq qaýipsizdik tájiribesin zerdeleýge múddeli ekenin bildirdi.
Sonymen qatar AES salýǵa daiyndyq sheńberinde tehnologiia jetkizýshilerdiń short-listi jasalǵany aityldy. Bul tizimge qytailyq CNNC kompaniiasy usynǵan HPR-1000 reaktorlyq tehnologiiasy da kirgen.
Qytai delegatsiiasynyń sapary eki el arasyndaǵy atom energetikasy boiynsha yntymaqtastyqty tereńdetýge serpin bermek.
