Qazaqstanda avtokólikterge qatysty jappai zańsyz shema áshkerelendi, 70 kúdikti jáne 11 mlrd teńgeden astam shyǵyn keltirilgen, dep habarlaidy Dalanews.kz.
Sońǵy úsh jylda Qarjy monitoringi agenttiginiń aýmaqtyq departamentteri alǵashqy tirkeý alymynan jaltarý arqyly 1,8 myńnan astam avtokólikti zańsyz tirkeýge qoiý derekteri boiynsha 88 qylmystyq isti tergegen. Bul týraly agenttiktiń baspasóz qyzmeti habarlady.
Jalpy keltirilgen shyǵyn kólemi 11,8 milliard teńgeni qurady.
Kúdiktiler qatarynda 70 adam bar. Olardyń ishinde ákimshilik politsiia basqarmasynyń basshylary men qyzmetkerleri, "Azamattarǵa arnalǵan úkimet" memlekettik korporatsiiasynyń ókilderi jáne notariýstar bar.
«Memleketke 900 million teńge kóleminde alym tólenip, jalpy quny 31 milliard teńge bolatyn 1,5 myń avtokólikke jáne 968 million teńgege baǵalanǵan kúdiktilerdiń múlkine tyiym salyndy», – delingen resmi habarlamada.
