قازاقستاندا اۆتوكولىكتەرگە قاتىستى جاپپاي زاڭسىز سحەما اشكەرەلەندى، 70 كۇدىكتى جانە 11 ملرد تەڭگەدەن استام شىعىن كەلتىرىلگەن، دەپ حابارلايدى Dalanews.kz.
سوڭعى ءۇش جىلدا قارجى مونيتورينگى اگەنتتىگىنىڭ اۋماقتىق دەپارتامەنتتەرى العاشقى تىركەۋ الىمىنان جالتارۋ ارقىلى 1،8 مىڭنان استام اۆتوكولىكتى زاڭسىز تىركەۋگە قويۋ دەرەكتەرى بويىنشا 88 قىلمىستىق ءىستى تەرگەگەن. بۇل تۋرالى اگەنتتىكتىڭ باسپا ءسوز قىزمەتى حابارلادى.
جالپى كەلتىرىلگەن شىعىن كولەمى 11،8 ميلليارد تەڭگەنى قۇرادى.
كۇدىكتىلەر قاتارىندا 70 ادام بار. ولاردىڭ ىشىندە اكىمشىلىك پوليسيا باسقارماسىنىڭ باسشىلارى مەن قىزمەتكەرلەرى، "ازاماتتارعا ارنالعان ۇكىمەت" مەملەكەتتىك كورپوراسياسىنىڭ وكىلدەرى جانە نوتاريۋستار بار.
«مەملەكەتكە 900 ميلليون تەڭگە كولەمىندە الىم تولەنىپ، جالپى قۇنى 31 ميلليارد تەڭگە بولاتىن 1،5 مىڭ اۆتوكولىككە جانە 968 ميلليون تەڭگەگە باعالانعان كۇدىكتىلەردىڭ مۇلكىنە تىيىم سالىندى»، – دەلىنگەن رەسمي حابارلامادا.
