Qazaqstanda litsenziiasyz qyzmet júrgizgeni úshin 58 mektepke aiyppul salyndy, - dep habarlaidy Dalanews.kz.
2024 jyldyń basynan beri júrgizilgen tekserý nátijesi kórsetkendei, 58 mektep bilim berý qyzmetin litsenziiasyz júrgizgen. Búgingi tańda olardyń 17-si bilim berý qyzmetine qoiylatyn talaptarǵa sáikestendirdi. Litsenziiasyz qyzmet júrgizetin mektepterge qatysty QR ÁQBtK 463-baby boiynsha aiyppul berý týraly sottardyń qaýlylary shyǵaryldy. Olar negizinen Astana jáne Almaty qalalarynda, Atyraý, Almaty, Batys Qazaqstan, Túrkistan, Mańǵystaý jáne Jambyl oblystarynda ornalasqan.
"QR "Bilim týraly" Zańyna sáikes barlyq mektepter bilim berý qyzmetin bastamas buryn ruqsat alýy tiis. Litsenziianyń bolmaýy mektepterdiń talaptarǵa sáikestigi boiynsha tekserýden ótpegenin nemese ruqsat alý úshin qujattardy tapsyrmaǵanyn bildiredi. Bilim berý uiymdarynda bilim berý qyzmetimen ainalysý quqyǵy litsenziia alǵan sátten bastap týyndaidy. Eger mektep memlekettik tirkeýden ótken sátten bastap alty ai ishinde litsenziia almasa, onda ol sot tártibimen jabylýǵa tiis", - dep atap ótti komitet tóraǵasy Ernur Dáýenov.
Litsenziia alýǵa qoiylatyn negizgi talaptar tiisti materialdyq-tehnikalyq bazanyń, bilikti pedagogikalyq quramnyń bolýyn, sanitarlyq-epidemiologiialyq jáne órtke qarsy normalardyń saqtalýyn, sondai-aq bilim alýshylarǵa meditsinalyq qyzmet kórsetýdi uiymdastyrýdy qamtidy. Osy talaptarǵa sáikes kelmeý ákimshilik jaza qoldaný men qaitalama buzýshylyqtar bolǵan jaǵdaida bilim berý mekemesiniń qyzmetin toqtata turý úshin negiz bolyp tabylady.
Esterińizge sala keteiik, mektepter baǵynystylyǵy boiynsha jergilikti atqarýshy organdardyń qaraýyna jatady. Óz kezeginde aýmaqtyq departamentter óńirlik ákimdikter men bilim basqarmalarynyń basshylaryna buzýshylyqtardy joiý jóninde sharalar qabyldaý týraly resmi talap hattaryn joldady.
