Aldaǵy úsh táýlikte Qazaqstan aýmaǵynda aýa raiy qubylmaly bolady. Sinoptikterdiń boljamynsha, eldiń basym bóliginde qalyptan tys ystyq saqtalyp, jaýyn-shashyn negizinen jergilikti ári qysqa merzimdi sipatta ótedi, dep habarlaidy dalanews.kz.
Soltústik jáne ortalyq óńirlerde qatty jańbyr jaýyp, naizaǵai oinap, burshaq túsip, ekpindi jel soǵýy múmkin.
Eń joǵary temperatýra eldiń ońtústigi, ońtústik-shyǵysy, shyǵysy jáne ortalyq oblystarynda tirkeledi. Bul óńirlerde kúndiz aýa temperatýrasy +35…+40 gradýsqa deiin kóteriledi.
Al batys Qazaqstanda 1 tamyzdan bastap aýa raiy birtindep ózgere bastaidy. Aýa temperatýrasy azdap tómendegenimen, klimattyq normadan joǵary deńgeide saqtalady.
Mamandar turǵyndarǵa aptap ystyq kezinde kúnniń eń ystyq ýaqytynda uzaq ýaqyt syrtta bolmaýǵa, kóbirek sý iship, kún sáýlesinen qorǵanýǵa keńes beredi.
