Qazaqstandaǵy altyn qorynyń kólemi 30 jylǵa jetedi. Bul týraly málimetpen QR Ónerkásip jáne qurylys ministrligi bólisti, dep habarlaidy Dalanews.kz.
Qazaqstan – tabiǵi resýrstarǵa bai el bolyp qala beredi. Sońǵy derekterge sáikes, ministrlik qazirgi óndirý kólemin eskere otyryp, elimizdegi negizgi paidaly qazbalardyń jetkilikti merzimi mynadai ekenin habarlaidy:
- Altyn — 30 jyl
- Mys — 38 jyl
- Qorǵasyn — 156 jyl
- Temir kenderi — 957 jyl
- Kómir — 350 jyl
Sol siiaqty turaqtylyq marganets, titan, molibden jáne basqa da strategiialyq mańyzdy paidaly qazbalar boiynsha da baiqalady.
Bul – qazbalardy utymdy paidalanyp, geologiialyq barlaý jumystaryn júieli júrgizý arqyly Qazaqstan óz resýrstyq áleýetin saqtap qana qoimai, jahandyq shikizat naryǵyndaǵy ornyn odan ári nyǵaita alady degen sóz.
Resýrstyq baza turaqtylyǵy – investitsiia tartýdyń, taý-ken ónerkásibin damytýdyń jáne eldiń ekonomikalyq qaýipsizdigin qamtamasyz etýdiń negizgi tiregi.
