Biryńǵai jinaqtaýshy zeinetaqy qory (BJZQ) 20 jastaǵy azamattar úshin belgilengen 6 million teńge kólemindegi jetkiliktilik sheginiń qalai eseptelgenin túsindirdi, dep habarlaidy dalanews.kz
Qor mamandarynyń aitýynsha, bul kórsetkish kezdeisoq alynbaǵan. Esepteýlerge sáikes, atalǵan qarajat shamamen 40 jyl boiy investitsiialanyp, bolashaqta laiyqty zeinetaqy tólemderin qamtamasyz etýge jetkilikti deńgeige deiin ósýi tiis.
BJZQ málimetinshe, jetkiliktilik sheginiń joǵary bolýy azamattardyń ómirin qiyndatý úshin engizilmegen. Onyń negizgi maqsaty – zeinetaqy jinaǵynyń bir bóligin merziminen buryn alǵannan keiin de shotta bolashaq zeinetaqyny qalyptastyrýǵa jetkilikti qarajattyń qalýyn qamtamasyz etý.
Qor ókilderi jetkiliktilik shegi azamattyń jasyna, bolashaqtaǵy eńbek ótiline, mindetti jarnalardyń túsýine, investitsiialyq tabysqa jáne zeinet jasynda tólenetin tólemderdiń boljamdy kólemine qarai esepteletinin atap ótti.
Osylaisha, 20 jastaǵy azamat úshin belgilengen 6 million teńge kólemindegi shek bolashaqtaǵy zeinetaqy tólemderiniń jetkilikti deńgeiin saqtaýǵa baǵyttalǵan qarjylyq esepterdiń nátijesi bolyp sanalady.
Eske salaiyq, 5 maýsymnan bastap Qazaqstanda Biryńǵai jinaqtaýshy zeinetaqy qoryndaǵy (BJZQ) jinaqty merziminen buryn paidalaný tártibi ózgergen edi.
