Sońǵy ýaqytta sport qaýymdastyǵynda mánerlep syrǵanaýshy Mihail Shaidorovqa qarsy maqsatty aqparattyq naýqan júrgizilgen bolýy múmkin degen pikirler jii aityla bastady, dep habarlaidy dalanews.kz.
Bul másele Mádeniet jáne sport ministri Erbol Myrzabosynovqa da qoiyldy. Ministr suraqtan jaltarmai, máseleni emotsiia emes, naqty faktiler turǵysynan baǵalaý qajet ekenin aitty.
Onyń sózinshe, syn árdaiym bolýy múmkin, alaida ol naqty derekterge negizdelýi tiis. Sońǵy ailarda Mihail Shaidorovtyń jetistikteri tóńireginde túrli pikirler aitylyp, onyń tabysy kezdeisoqtyqpen nemese júiege qaramastan kelgen nátije retinde sipattalǵan jaǵdailar bolǵan.
Alaida ministrdiń pikirinshe, mundai talqylaýlar kezinde sportshynyń naqty jetistikteri, kúndelikti eńbegi men halyqaralyq arenadaǵy nátijeleri tasada qalyp qoiady.
Erbol Myrzabosynov aqparattyq qaqtyǵystardyń eń aldymen sportshylardyń ózine keri áser etetinin atap ótti. Sondyqtan qoǵam nazaryn jasandy daý-damailarǵa emes, el namysyn halyqaralyq jarystarda qorǵap júrgen sportshylardyń jetistikterine aýdarý qajet ekenin jetkizdi.
Ministrdiń málimdemesi sport qaýymdastyǵynda kópten beri talqylanyp júrgen máselege qatysty aityldy. Sońǵy ýaqytta Mihail Shaidorovqa qatysty túrli pikirlerdiń jii jariialanýy bul suraqtyń qoǵamdyq deńgeide de ózektiligin kórsetip otyr.
Aita keteiik, Mihail Shaidorov sońǵy jyldary halyqaralyq jarystarda joǵary nátijeler kórsetip, Qazaqstannyń mánerlep syrǵanaý sportyndaǵy jetekshi sportshylarynyń birine ainaldy.
