قازاقستانداعى التىن قورىنىڭ كولەمى 30 جىلعا جەتەدى. بۇل تۋرالى مالىمەتپەن ق ر ونەركاسىپ جانە قۇرىلىس مينيسترلىگى ءبولىستى، دەپ حابارلايدى Dalanews.kz.
قازاقستان – تابيعي رەسۋرستارعا باي ەل بولىپ قالا بەرەدى. سوڭعى دەرەكتەرگە سايكەس، مينيسترلىك قازىرگى ءوندىرۋ كولەمىن ەسكەرە وتىرىپ، ەلىمىزدەگى نەگىزگى پايدالى قازبالاردىڭ جەتكىلىكتى مەرزىمى مىناداي ەكەنىن حابارلايدى:
- التىن — 30 جىل
- مىس — 38 جىل
- قورعاسىن — 156 جىل
- تەمىر كەندەرى — 957 جىل
- كومىر — 350 جىل
سول سياقتى تۇراقتىلىق مارگانەس، تيتان، موليبدەن جانە باسقا دا ستراتەگيالىق ماڭىزدى پايدالى قازبالار بويىنشا دا بايقالادى.
بۇل – قازبالاردى ۇتىمدى پايدالانىپ، گەولوگيالىق بارلاۋ جۇمىستارىن جۇيەلى جۇرگىزۋ ارقىلى قازاقستان ءوز رەسۋرستىق الەۋەتىن ساقتاپ قانا قويماي، جاھاندىق شيكىزات نارىعىنداعى ورنىن ودان ءارى نىعايتا الادى دەگەن ءسوز.
رەسۋرستىق بازا تۇراقتىلىعى – ينۆەستيسيا تارتۋدىڭ، تاۋ-كەن ونەركاسىبىن دامىتۋدىڭ جانە ەلدىڭ ەكونوميكالىق قاۋىپسىزدىگىن قامتاماسىز ەتۋدىڭ نەگىزگى تىرەگى.
