Prodiýser Baian Alagózova uiymdastyrǵan «Altyn hanym» baiqaýynyń jeńimpazy, mektep direktory Aqmonshaq Nurtaza jol-kólik oqiǵasyna ushyrap, aýrýhanaǵa jetkizildi, dep habarlaidy dalanews.kz.
Oqiǵa týraly Aqmonshaq Nurtaza óziniń áleýmettik jelidegi paraqshasynda habarlady. Onyń aitýynsha, mingen avtokóligi jol ústinde basqa kólikpen soqtyǵysqan.
Jol apaty saldarynan túrli jaraqat alǵan ol dárigerlerdiń baqylaýyna alynǵan. Qazirgi ýaqytta onyń naqty jaǵdaiy týraly tolyq aqparat jariialanǵan joq.
Áleýmettik jelidegi jazbasynda baiqaý jeńimpazy aman qalǵanyna shúkirshilik bildirip, bul kúndi óziniń «ekinshi týǵan kúni» dep atady.
«Qaita týǵan kún. Aman bolaiyq. Bir Alla saqtady. Maǵan túkirip qoiasyzdar-aý», – dep jazdy Aqmonshaq Nurtaza.
Jeli qoldanýshylary direktordyń jazbasyna pikir qaldyryp, tezirek saýyǵyp ketýine tilektestik bildirip jatyr.
Aita keteiik, Aqmonshaq Nurtaza jaqynda ǵana qoǵamda keńinen talqylanǵan «Altyn hanym» baiqaýynda bas júldeni jeńip alyp, kópshilikke tanylǵan bolatyn.
