Antikor jyl basynan beri 29 mlrd teńgeniń biýdjet qarajatyn tiimsiz jumsaýǵa jol bermedi, dep habarlaidy Dalanews.kz.
Sybailas jemqorlyqqa qarsy is-qimyl agenttigi taýarlar, jumystar men qyzmetterge josparly baǵalardyń artyq kórsetilýin anyqtaý maqsatynda memlekettik satyp alýlarǵa júrgizilgen monitoringtiń qorytyndysyn jariialady.
Bes ai ishinde jalpy somasy 29 mlrd teńge bolatyn osyndai derekter anyqtalǵan. Onyń 6,4 mlrd teńgesi biýdjetke qaitaryldy.
"Qalǵan soma boiynsha tapsyrys berýshiler qaita esepteý júrgizip, josparly baǵalar tómendetildi nemese satyp alynatyn taýarlardyń kólemi arttyryldy", – dep túsindirdi agenttik ókilderi.
Salystyrmaly túrde aitqanda, ótken jyly 55 mlrd teńge kóleminde negizsiz qymbattaǵan satyp alýlar anyqtalyp, onyń 26 mlrd teńgesi biýdjetke qaitarylǵan, al qalǵany boiynsha qaita esepteýler júrgizilgen.
Jalpy alǵanda, 2019 jyldan bastap jobany iske asyrý kezeńinde agenttik 224,7 mlrd teńgeniń biýdjet qarjysyn tiimsiz paidalanýdyń aldyn alǵan.
