انتيكور جىل باسىنان بەرٸ 29 ملرد تەڭگەنٸڭ بيۋدجەت قاراجاتىن تيٸمسٸز جۇمساۋعا جول بەرمەدٸ, دەپ حابارلايدى Dalanews.kz.
سىبايلاس جەمقورلىققا قارسى ٸس-قيمىل اگەنتتٸگٸ تاۋارلار, جۇمىستار مەن قىزمەتتەرگە جوسپارلى باعالاردىڭ ارتىق كٶرسەتٸلۋٸن انىقتاۋ ماقساتىندا مەملەكەتتٸك ساتىپ الۋلارعا جٷرگٸزٸلگەن مونيتورينگتٸڭ قورىتىندىسىن جارييالادى.
بەس اي ٸشٸندە جالپى سوماسى 29 ملرد تەڭگە بولاتىن وسىنداي دەرەكتەر انىقتالعان. ونىڭ 6,4 ملرد تەڭگەسٸ بيۋدجەتكە قايتارىلدى.
"قالعان سوما بويىنشا تاپسىرىس بەرۋشٸلەر قايتا ەسەپتەۋ جٷرگٸزٸپ, جوسپارلى باعالار تٶمەندەتٸلدٸ نەمەسە ساتىپ الىناتىن تاۋارلاردىڭ كٶلەمٸ ارتتىرىلدى", – دەپ تٷسٸندٸردٸ اگەنتتٸك ٶكٸلدەرٸ.
سالىستىرمالى تٷردە ايتقاندا, ٶتكەن جىلى 55 ملرد تەڭگە كٶلەمٸندە نەگٸزسٸز قىمباتتاعان ساتىپ الۋلار انىقتالىپ, ونىڭ 26 ملرد تەڭگەسٸ بيۋدجەتكە قايتارىلعان, ال قالعانى بويىنشا قايتا ەسەپتەۋلەر جٷرگٸزٸلگەن.
جالپى العاندا, 2019 جىلدان باستاپ جوبانى ٸسكە اسىرۋ كەزەڭٸندە اگەنتتٸك 224,7 ملرد تەڭگەنٸڭ بيۋدجەت قارجىسىن تيٸمسٸز پايدالانۋدىڭ الدىن العان.
