Qazaqstanda 265 myńnan astam 11–13 jas aralyǵyndaǵy qyz bala adam papillomasy virýsyna (HPV) qarsy vaktsinanyń alǵashqy dozasyn aldy, dep habarlaidy dalanews.kz.
Densaýlyq saqtaý ministrliginiń málimetinshe, búginde 265,2 myńnan astam qyz bala vaktsinanyń birinshi dozasyn alǵan. Onyń ishinde 175,1 myńy ekinshi dozany qabyldap, vaktsinatsiianyń tolyq kýrsynan ótken.
Vedomstvonyń aqparatyna sáikes, 2026 jyldyń basynan beri 51,4 myń qyz balaǵa alǵashqy doza, al 49,6 myńyna ekinshi doza salynǵan.
Sonymen qatar, ministrliktiń tapsyrmasymen 2026 jylǵy 13 mamyrdan bastap 14–17 jas aralyǵyndaǵy qyzdarǵa erikti vaktsinatsiia júrgizilip jatyr. Osy ýaqytqa deiin vaktsinanyń alǵashqy dozasyn 32,2 myńǵa jýyq jasóspirim alǵan.
Densaýlyq saqtaý ministrligi vaktsina alǵandardyń arasynda vaktsinadan keiingi qolaisyz áserler tirkelmegenin málimdedi.
