Qazaqstanda 2026 jyldyń qańtar–mamyr ailary aralyǵynda memlekettik biýdjet kiristeri jospardan asyp tústi. Bul týraly Qarjy ministrligi málimdedi, dep habarlaidy dalanews.kz.
Vedomstvo dereginshe, bes aida biýdjetke 11,4 trln teńgeden astam qarajat túsken. Bul ótken jyldyń osy kezeńimen salystyrǵanda 16%-ǵa joǵary.
Jergilikti biýdjet kirisi de ósken
Qarjy ministrliginiń málimetinshe, jergilikti biýdjetterdiń kirisi 4,05 trln teńgege jetken. Bul 2025 jyldyń qańtar–mamyr ailarymen salystyrǵanda 2,4%-ǵa kóp. Ministrlik biýdjet túsimderiniń artýyn birneshe faktormen bailanystyrdy.
Ósimge ne áser etti
Vedomstvo ókilderiniń aitýynsha, kiristerdiń kóbeiýine salyq reformasy, ekonomikalyq belsendiliktiń artýy jáne shikizat baǵasynyń qolaily bolýy áser etken. Sonymen qatar Qarjy ministrligi biýdjet saiasaty infraqurylymdy damytýǵa baǵyttalǵanyn atap ótti.
«Biýdjet infraqurylym, joldar, energetika jáne injenerlik jelilerdi damytý baǵytyn saqtaidy», – dep málimdedi ministrlik.
