Ishki ister ministrliginde ótken keńeitilgen alqa otyrysynda 2026 jylǵy birinshi toqsandaǵy jedel qyzmet qorytyndysy shyǵaryldy, dep habarlaidy Dalanews.kz.
Bul kezeńde ótken jyldyń osy kezeńimen salystyrǵanda qylmys deńgeii 9%-ǵa nemese 2150-ge azaiǵan.
"Qylmystyń tómendeýi barlyq negizgi sanat boiynsha baiqalady. Buryn sotty bolǵandar, kámeletke tolmaǵandar, mas kúidegiler jasaityn, qoǵamdyq oryndarda jáne turmysta jasalatyn quqyqbuzýshylyqtar sany tómendegen. Sonymen qatar, barlyq sanattaǵy qylmystardyń ashylý deńgeii artty", - dedi IIM ókilderi.
Internet alaiaqtyq derekteri de azaiǵan. Akkaýnttardy buzý, kriptovaliýtalar, onlain qaryzdar jáne jalǵan internet resýrstarǵa bailanysty alaiaqtyqtar sany qysqarǵan. 3,6 millionnan asa ákimshilik quqyqbuzýshylyqtyń joly kesilgen, bul olardyń aýyr qylmystarǵa ulasýynyń aldyn alýǵa múmkindik bergen.
"Taza Qazaqstan" qaǵidaty aiasynda 722 myńnan asa quqyqbuzýshylyq anyqtalyp, 3 myńnan asa zańsyz qoqys orny joiylǵan.
Jol qaýipsizdigi salasynda 3 millionnan asa jol qozǵalysy erejelerin buzý deregi toqtatylyp, bul jol-kólik oqiǵalarynda qaza tapqandar men jaraqat alǵandardyń sanyn azaitýǵa yqpal etken.
Ishki ister ministri Erjan Sádenov barlyq memlekettik organ men qoǵamdy tartyp, júieli profilaktikalyq jumysty kúsheitýdi tapsyrdy. Sondai-aq, barlyq baǵyt boiynsha jasandy intellekt elementterin engizý, tsifrlyq quraldardy odan ári damytý qajet ekeni atap ótildi.
