ٸشكٸ ٸستەر مينيسترلٸگٸندە ٶتكەن كەڭەيتٸلگەن القا وتىرىسىندا 2026 جىلعى بٸرٸنشٸ توقسانداعى جەدەل قىزمەت قورىتىندىسى شىعارىلدى, دەپ حابارلايدى Dalanews.kz.
بۇل كەزەڭدە ٶتكەن جىلدىڭ وسى كەزەڭٸمەن سالىستىرعاندا قىلمىس دەڭگەيٸ 9%-عا نەمەسە 2150-گە ازايعان.
"قىلمىستىڭ تٶمەندەۋٸ بارلىق نەگٸزگٸ سانات بويىنشا بايقالادى. بۇرىن سوتتى بولعاندار, كەمەلەتكە تولماعاندار, ماس كٷيدەگٸلەر جاسايتىن, قوعامدىق ورىنداردا جەنە تۇرمىستا جاسالاتىن قۇقىقبۇزۋشىلىقتار سانى تٶمەندەگەن. سونىمەن قاتار, بارلىق ساناتتاعى قىلمىستاردىڭ اشىلۋ دەڭگەيٸ ارتتى", - دەدٸ ٸٸم ٶكٸلدەرٸ.
ينتەرنەت الاياقتىق دەرەكتەرٸ دە ازايعان. اككاۋنتتاردى بۇزۋ, كريپتوۆاليۋتالار, ونلاين قارىزدار جەنە جالعان ينتەرنەت رەسۋرستارعا بايلانىستى الاياقتىقتار سانى قىسقارعان. 3,6 ميلليوننان اسا ەكٸمشٸلٸك قۇقىقبۇزۋشىلىقتىڭ جولى كەسٸلگەن, بۇل ولاردىڭ اۋىر قىلمىستارعا ۇلاسۋىنىڭ الدىن الۋعا مٷمكٸندٸك بەرگەن.
"تازا قازاقستان" قاعيداتى اياسىندا 722 مىڭنان اسا قۇقىقبۇزۋشىلىق انىقتالىپ, 3 مىڭنان اسا زاڭسىز قوقىس ورنى جويىلعان.
جول قاۋٸپسٸزدٸگٸ سالاسىندا 3 ميلليوننان اسا جول قوزعالىسى ەرەجەلەرٸن بۇزۋ دەرەگٸ توقتاتىلىپ, بۇل جول-كٶلٸك وقيعالارىندا قازا تاپقاندار مەن جاراقات العانداردىڭ سانىن ازايتۋعا ىقپال ەتكەن.
ٸشكٸ ٸستەر مينيسترٸ ەرجان سەدەنوۆ بارلىق مەملەكەتتٸك ورگان مەن قوعامدى تارتىپ, جٷيەلٸ پروفيلاكتيكالىق جۇمىستى كٷشەيتۋدٸ تاپسىردى. سونداي-اق, بارلىق باعىت بويىنشا جاساندى ينتەللەكت ەلەمەنتتەرٸن ەنگٸزۋ, تسيفرلىق قۇرالداردى ودان ەرٸ دامىتۋ قاجەت ەكەنٸ اتاپ ٶتٸلدٸ.
