Eńbek jáne halyqty áleýmettik qorǵaý ministrligi eń joǵary jalaqylar men eń suranysqa ie mamandyqtardy jariialady, dep habarlaidy Dalanews.kz.
Enbek.kz elektrondy eńbek birjasynyń málimetinshe, qarasha aiynda jumys berýshiler eń joǵary eńbekaqyny tómendegi laýazymdarǵa usynǵan:
bas qurylysshy – 640 myń teńgeden bastap;
óndiristik ýchaskeniń bastyǵy – 595 myń teńgeden bastap;
aviatsiialyq dispetcher – 568 myń teńgeden bastap.
«Eń joǵary jalaqyny ushqyshtar alady - orta eseppen 1,9 million teńge. Sonymen qatar, kommertsiialyq uiymdardaǵy IT-bólim basshylary men bas geologtar da shamamen 1,2 million teńge kóleminde eńbekaqy ala alady», – dep málimdedi ministrlik.
Qarasha aiyndaǵy eń suranysqa ie mamandyqtar:
meiirbike / meiirger – 1,9 myń bos jumys orny;
sanitarlar – 1,8 myń;
tárbieshi – 1,5 myń;
avtokólik júrgizýshisi – 1,5 myń.
