ەڭبەك جانە حالىقتى الەۋمەتتىك قورعاۋ مينيسترلىگى ەڭ جوعارى جالاقىلار مەن ەڭ سۇرانىسقا يە ماماندىقتاردى جاريالادى، دەپ حابارلايدى Dalanews.kz.

Enbek.kz ەلەكتروندى ەڭبەك بيرجاسىنىڭ مالىمەتىنشە، قاراشا ايىندا جۇمىس بەرۋشىلەر ەڭ جوعارى ەڭبەكاقىنى تومەندەگى لاۋازىمدارعا ۇسىنعان:

باس قۇرىلىسشى – 640 مىڭ تەڭگەدەن باستاپ؛

وندىرىستىك ۋچاسكەنىڭ باستىعى – 595 مىڭ تەڭگەدەن باستاپ؛

اۆياسيالىق ديسپەچەر – 568 مىڭ تەڭگەدەن باستاپ.

«ەڭ جوعارى جالاقىنى ۇشقىشتار الادى - ورتا ەسەپپەن 1،9 ميلليون تەڭگە. سونىمەن قاتار، كوممەرسيالىق ۇيىمدارداعى ITء-بولىم باسشىلارى مەن باس گەولوگتار دا شامامەن 1،2 ميلليون تەڭگە كولەمىندە ەڭبەكاقى الا الادى»، – دەپ مالىمدەدى مينيسترلىك.

قاراشا ايىنداعى ەڭ سۇرانىسقا يە ماماندىقتار:

مەيىربيكە / مەيىرگەر – 1،9 مىڭ بوس جۇمىس ورنى؛

سانيتارلار – 1،8 مىڭ؛

تاربيەشى – 1،5 مىڭ؛

اۆتوكولىك جۇرگىزۋشىسى – 1،5 مىڭ.