Qazaqstan Úkimeti adam papillomasy virýsyna qarsy vaktsina satyp alýǵa 9,7 mlrd teńgeden astam qarjy bóldi, dep habarlaidy Dalanews.kz
📌 Úkimet adam papillomasy virýsyna (APV) qarsy vaktsina satyp alýǵa jáne Qazaqstanda atalǵan ekpe jumysyn júrgizýge rezervten qarajat bóldi. Tiisti qaýlyǵa QR Premer-Ministri Oljas Bektenov qol qoidy.
🔹 Oblystardyń, respýblikalyq mańyzy bar qalalardyń jáne astananyń biýdjetterine 351 myńnan astam dozasy mólsherinde vaktsina satyp alý úshin aǵymdaǵy nysanaly transfertter túrinde 9,7 mlrd teńgeden astam qarajat aýdarylady. 
➤ Adam papillomasy virýsynan týyndaǵan jatyr moiny obyry (JMO) – álemdegi eń kóp taralǵan qaterli isikterdiń biri, ol anyqtalǵan barlyq jaǵdaidyń qurylymynda 13,1%-ǵa deiin kezdesedi. Jyl saiyn odan 300 myńǵa jýyq áiel kóz jumady. Qazaqstanda JMO barlyq jastaǵy áielder arasynda qaterli isiktiń basqa túrleri ishinde taralýy boiynsha ekinshi orynda tur. Jyl saiyn respýblika boiynsha 1900-ge jýyq jańa jaǵdai tirkeledi, 600-den astam áiel osy patologiiadan qaitys bolady.
➤ APV-na qarsy jáne JMO damýymen kúresýdiń jalǵyz ádisi – vaktsinatsiia. QR Ulttyq vaktsinatsiia kúntizbesine sáikes jáne DDU usynymyn eskere otyryp, APV-ǵa qarsy ekpe salý 11 jastaǵy qyzdarǵa 6 ai aralyq merzimmen eki ret júrgiziletin bolady. Bul rette Qazaqstanda APV-nyń neǵurlym onkogendi túrlerinen (6, 11, 16, 18) qorǵaityn tórt valentti vaktsina qoldanylady.
