«Qaryzsyz qoǵam» jobasy aiasynda Qazaqstan boiynsha tegin qarjylyq saýattylyq sabaqtary bastaldy. Dáristerge jasy 18-den asqan kez kelgen adam qatysa alady, sonymen qatar problemalyq nesieler boiynsha zańgerlerden keńes ala alady.
Halyqtyń nesiege belsheden batýy qazaqstandyq qoǵam úshin birinshi jyl betpe bet kelip otyrǵan kókeikesti másele emes.
2024 jyldyń aiaǵynda QR Parlamenti Májilisiniń depýtaty, AMANAT partiiasy fraktsiiasynyń jetekshisi Elnur Beisenbaev 8,4 milliondai adamnyń nemese ekonomikalyq belsendi halyqtyń 80 paiyzynan astamynyń nesieleri bar ekenin málimdedi.
Memleket nesie aýyrtpalyǵyn azaitý maqsatynda túrli qadamdarǵa baryp otyr. Sonyń biri – AMANAT partiiasynyń bastamasymen qolǵa alynǵan «Qaryzsyz qoǵam» jobasy.
Bul jobany Memleket basshysy Qasym-Jomart Toqaev birneshe ret ońdy tilge tiek etkenin atap ótken jón.
«Qazirgi jaǵdaida ekonomika men qarjy negizderin bilý men negizgi tsifrlyq daǵdylardy meńgerý erekshe mańyzdy bolyp otyr. Osy oraida, azamattardyń qarjylyq saýattylyǵyn arttyrý maqsatynda AMANAT partiiasynyń bastamasymen qolǵa alynǵan «Qaryzsyz qoǵam» jobasyn atap ótkim keledi», - dedi Prezident Qazaqstan halqyna arnalǵan 2024 jylǵy qyrkúiektegi Joldaýynda.
Joba aiasynda 18 jastan asqan kez kelgen Qazaqstan turǵyny qarjylyq saýattylyq kýrstaryna tegin qatysa alady, sondai-aq problemalyq nesieler boiynsha zańgerlik kómek ala alady.
Biyl sabaqtar 17 aqpanda bastaý alyp, onlain jáne oflain formattarda júrgiziledi. Sonymen qatar, qaryzy bar azamattarǵa zańgerlik kómek kórsetý tetigi jetildirilip – «QoldaýFin» bailanys ortalyǵy iske qosyldy.
Quqyqtyq keńes alý nemese sabaqtarǵa jazylý úshin qogamfin.kz saitynda tirkelý qajet. Qosymsha aqparattardy Instagram men TikTok áleýmettik jelilerindegi «Qaryzsyz qoǵam» resmi akkaýnttarynan alýǵa bolady.
AMANAT partiiasynyń «Qaryzsyz qoǵam» jobasy 2023 jyldan beri áreket etedi. 2024 jyly qarjylyq saýattylyq jobasy aiasynda Qazaqstan boiynsha 780 myńnan astam adam oqytyldy. Olardyń 500 myńy – mektep oqýshylary.
