«قارىزسىز قوعام» جوباسى اياسىندا قازاقستان بويىنشا تەگٸن قارجىلىق ساۋاتتىلىق ساباقتارى باستالدى. دەرٸستەرگە جاسى 18-دەن اسقان كەز كەلگەن ادام قاتىسا الادى, سونىمەن قاتار پروبلەمالىق نەسيەلەر بويىنشا زاڭگەرلەردەن كەڭەس الا الادى.
حالىقتىڭ نەسيەگە بەلشەدەن باتۋى قازاقستاندىق قوعام ٷشٸن بٸرٸنشٸ جىل بەتپە بەت كەلٸپ وتىرعان كٶكەيكەستٸ مەسەلە ەمەس.
2024 جىلدىڭ اياعىندا قر پارلامەنتٸ مەجٸلٸسٸنٸڭ دەپۋتاتى, AMANAT پارتيياسى فراكتسيياسىنىڭ جەتەكشٸسٸ ەلنۇر بەيسەنباەۆ 8,4 ميلليونداي ادامنىڭ نەمەسە ەكونوميكالىق بەلسەندٸ حالىقتىڭ 80 پايىزىنان استامىنىڭ نەسيەلەرٸ بار ەكەنٸن مەلٸمدەدٸ.
مەملەكەت نەسيە اۋىرتپالىعىن ازايتۋ ماقساتىندا تٷرلٸ قادامدارعا بارىپ وتىر. سونىڭ بٸرٸ – AMANAT پارتيياسىنىڭ باستاماسىمەن قولعا الىنعان «قارىزسىز قوعام» جوباسى.
بۇل جوبانى مەملەكەت باسشىسى قاسىم-جومارت توقاەۆ بٸرنەشە رەت وڭدى تٸلگە تيەك ەتكەنٸن اتاپ ٶتكەن جٶن.
«قازٸرگٸ جاعدايدا ەكونوميكا مەن قارجى نەگٸزدەرٸن بٸلۋ مەن نەگٸزگٸ تسيفرلىق داعدىلاردى مەڭگەرۋ ەرەكشە ماڭىزدى بولىپ وتىر. وسى ورايدا, ازاماتتاردىڭ قارجىلىق ساۋاتتىلىعىن ارتتىرۋ ماقساتىندا AMANAT پارتيياسىنىڭ باستاماسىمەن قولعا الىنعان «قارىزسىز قوعام» جوباسىن اتاپ ٶتكٸم كەلەدٸ», - دەدٸ پرەزيدەنت قازاقستان حالقىنا ارنالعان 2024 جىلعى قىركٷيەكتەگٸ جولداۋىندا.
جوبا اياسىندا 18 جاستان اسقان كەز كەلگەن قازاقستان تۇرعىنى قارجىلىق ساۋاتتىلىق كۋرستارىنا تەگٸن قاتىسا الادى, سونداي-اق پروبلەمالىق نەسيەلەر بويىنشا زاڭگەرلٸك كٶمەك الا الادى.
بيىل ساباقتار 17 اقپاندا باستاۋ الىپ, ونلاين جەنە وفلاين فورماتتاردا جٷرگٸزٸلەدٸ. سونىمەن قاتار, قارىزى بار ازاماتتارعا زاڭگەرلٸك كٶمەك كٶرسەتۋ تەتٸگٸ جەتٸلدٸرٸلٸپ – «قولداۋFin» بايلانىس ورتالىعى ٸسكە قوسىلدى.
قۇقىقتىق كەڭەس الۋ نەمەسە ساباقتارعا جازىلۋ ٷشٸن qogamfin.kz سايتىندا تٸركەلۋ قاجەت. قوسىمشا اقپاراتتاردى Instagram مەن TikTok ەلەۋمەتتٸك جەلٸلەرٸندەگٸ «قارىزسىز قوعام» رەسمي اككاۋنتتارىنان الۋعا بولادى.
AMANAT پارتيياسىنىڭ «قارىزسىز قوعام» جوباسى 2023 جىلدان بەرٸ ەرەكەت ەتەدٸ. 2024 جىلى قارجىلىق ساۋاتتىلىق جوباسى اياسىندا قازاقستان بويىنشا 780 مىڭنان استام ادام وقىتىلدى. ولاردىڭ 500 مىڭى – مەكتەپ وقۋشىلارى.
