Personaldy ashyq jaldaý jónindegi joba birneshe kezeńnen turady. Kompanıanyń barlyq bos oryndary jalpyǵa qoljetimdi Head Hunter, Nur.Kz Jumys jáne Samruk Qyzmet ınternet-platformalarynda jarıalanady. Úmitker óziniń ótinishin bos jumys orynyna baǵyttaýy tıis. Alǵashqy suhbattan keıin ol testileýge jiberiledi.
İrikteýdiń barlyq kezenderinen ótken úmitkerlerdiń qysqasha tizimi óńirlerdegi kadrlyq qyzmetter uıymdastyrǵan konkýrstyq komısıaǵa tapsyrylady. Biliktilik talaptaryna sáıkestigin tekserý jáne jumysqa qabyldaýdy rásimdeý «QTJ» UK» AQ Kadrlyq ákimshilik departamenti janyndaǵy Kópfýnksıonaldy qyzmet kórsetý ortalyǵy arqyly júzege asyrylady.
– Biz sybaılas jemqorlyq qaýpiniń týyndaýyna yqpal etetin barlyq negizgi faktorlardy taldadyq. Sonyń biri – bos oryndar týraly aqparattyń qoljetimsizdigi. Bos jumys oryndary týraly málimetterge ıe bolmaǵandyqtan, jumysqa ornalasýǵa nıettiler túrli arnalardy izdegen. Qazir Kompanıada kadr salasynda sybaılas jemqorlyqty joıýǵa baǵyttalǵan tolyqqandy keshendi antıkrızıstik sharalar qabyldandy, – dedi S. Ábdenov.
Spıker atap ótkendeı, jańa júıe boıynsha mamandyqtary boıynsha 656 adam jumysqa ornalastyryldy, sonyń 371 úmitkeri syrttan qabyldanǵandar jáne 285-i – ishki.
Kompanıanyń kadrlyq blogy zańbuzýshylyqtyń naqty sebep-saldarlaryn joıý turmystyq sybaılas jemqorlyqtyń aldyn alý boıynsha aýqymdy jumystar júrgizýde.
Brıfıń barysynda óńirlerdegi kadrlyq sheshimder kezinde ashyq emes, kúdikti is-áreketter týraly faktilerge, eger bul jaıyndaǵy habar áleýmettik jeli nemese coll-ortalyq arqyly ortalyq apparatqa túsken bolsa, onda Kompanıa basshylyǵy mindetti túrde shara qabyldaıtyndyǵy atap ótildi.
Bul rette, sybaılas jemqorlyqqa qarsy kúres qyzmeti ókilderiniń sózine qaraǵanda, sońǵy eki jylda temirjol tasymaly salasynda sonyń basym bóligi paramen baılanysty 65 sybaılas jemqorlyqtyq is-áreket anyqtalyp otyr.
