QR Energetıka mınıstri Almasadam Sátqalıev Tájikstan Premer-Mınıstriniń orynbasary Ýsmonzoda Ýsmonalımen jáne Tájikstan Respýblıkasy Energetıka jáne sý resýrstary mınıstriniń orynbasary Manýchehr Safarzodamen energetıkalyq yntymaqtastyq máseleleri boıynsha kelissózder júrgizdi.
Kezdesý barysynda Sátqalıev Tájikstan tarapynyń elektr energetıkasyndaǵy yntymaqtastyq nıetine oń kózqarasta ekenin atap ótti.
Taraptar byltyr 2023-2032 jyldar aralyǵynda «Rogýnskaıa GES» ashyq aksıonerlik qoǵamy óndiretin elektr energıasyn jetkizý boıynsha ózara túsinistik týraly Memorandýmǵa qol qoıǵan edi.
«Memorandým sheńberinde Ózbekstan Respýblıkasynyń elektr jelileri boıynsha elektr energıasyn tranzıtteýdiń tehnıkalyq múmkindigi men kelisilgen rejımderi baryn eskere otyryp, Rogýnsk GES-inen Qazaqstanǵa elektr energıasynyń yqtımal eksportynyń tehnıkalyq parametrleri men komersıalyq sharttaryn qarastyrý josparlanǵanyn atap ótkim keledi», - dep atap ótti A.Sátqalıev.
Taraptar 2024 jylǵy 15 qazanǵa deıin Ortalyq Azıa elderiniń múddeli uıymdarymen irgeles memleketterdiń energıa júıeleri arasyndaǵy elektr energıasynyń jospardan tys aǵyndaryn retteýge sharttar jasasý múmkindigin pysyqtaýǵa kelisti.
