قر ەنەرگەتيكا مينيسترٸ الماسادام سەتقاليەۆ تەجٸكستان پرەمەر-مينيسترٸنٸڭ ورىنباسارى ۋسمونزودا ۋسموناليمەن جەنە تەجٸكستان رەسپۋبليكاسى ەنەرگەتيكا جەنە سۋ رەسۋرستارى مينيسترٸنٸڭ ورىنباسارى مانۋچەحر سافارزودامەن ەنەرگەتيكالىق ىنتىماقتاستىق مەسەلەلەرٸ بويىنشا كەلٸسسٶزدەر جٷرگٸزدٸ.
كەزدەسۋ بارىسىندا سەتقاليەۆ تەجٸكستان تاراپىنىڭ ەلەكتر ەنەرگەتيكاسىنداعى ىنتىماقتاستىق نيەتٸنە وڭ كٶزقاراستا ەكەنٸن اتاپ ٶتتٸ.
تاراپتار بىلتىر 2023-2032 جىلدار ارالىعىندا «روگۋنسكايا گەس» اشىق اكتسيونەرلٸك قوعامى ٶندٸرەتٸن ەلەكتر ەنەرگيياسىن جەتكٸزۋ بويىنشا ٶزارا تٷسٸنٸستٸك تۋرالى مەموراندۋمعا قول قويعان ەدٸ.
«مەموراندۋم شەڭبەرٸندە ٶزبەكستان رەسپۋبليكاسىنىڭ ەلەكتر جەلٸلەرٸ بويىنشا ەلەكتر ەنەرگيياسىن ترانزيتتەۋدٸڭ تەحنيكالىق مٷمكٸندٸگٸ مەن كەلٸسٸلگەن رەجيمدەرٸ بارىن ەسكەرە وتىرىپ, روگۋنسك گەس-ٸنەن قازاقستانعا ەلەكتر ەنەرگيياسىنىڭ ىقتيمال ەكسپورتىنىڭ تەحنيكالىق پارامەترلەرٸ مەن كوممەرتسييالىق شارتتارىن قاراستىرۋ جوسپارلانعانىن اتاپ ٶتكٸم كەلەدٸ», - دەپ اتاپ ٶتتٸ ا.سەتقاليەۆ.
تاراپتار 2024 جىلعى 15 قازانعا دەيٸن ورتالىق ازييا ەلدەرٸنٸڭ مٷددەلٸ ۇيىمدارىمەن ٸرگەلەس مەملەكەتتەردٸڭ ەنەرگييا جٷيەلەرٸ اراسىنداعى ەلەكتر ەنەرگيياسىنىڭ جوسپاردان تىس اعىندارىن رەتتەۋگە شارتتار جاساسۋ مٷمكٸندٸگٸن پىسىقتاۋعا كەلٸستٸ.
