استانادا «قازاقمىس كورپوراسياسى» ج ش س باسقارما ءتوراعاسى رۋسلان وسكەنالى مەن «الماتى» اكك» اق باسقارما ءتوراعاسى مارات بايدۋرين ىنتىماقتاستىق تۋرالى مەموراندۋمعا قول قويدى، دەپ حابارلايدى Dalanews.kz.

مەموراندۋم ءوزارا ءتيىمدى ىنتىماقتاستىقتى نىعايتۋعا، وتاندىق وندىرۋشىلەردى قولداۋعا، جەرگىلىكتەندىرۋ دەڭگەيىن ارتتىرۋعا جانە وندىرىستىك كووپەراسيانى كەڭەيتۋگە باعىتتالعان.

تاراپتار الماتى قالاسى مەن ۇلىتاۋ وبلىسىنىڭ ەكونوميكاسىن دامىتۋعا، وتاندىق وندىرۋشىلەرگە قولداۋ كورسەتۋگە، سونداي-اق ءوندىرىستى جەرگىلىكتەندىرۋ دەڭگەيىن ارتتىرۋعا باعىتتالعان ءوزارا ءىس-قيمىل تۋرالى ۋاعدالاستى.

قازاقمىس ءۇشىن قازاقستاندىق قامتۋدى دامىتۋ ۇزاق مەرزىمدى ستراتەگيانىڭ نەگىزگى با بولىپ تابىلادى. بۇل ءتاسىلدىڭ ءىس جۇزىندە ىسكە اسىرىلۋى ناقتى كورسەتكىشپەن راستالادى: 2025 جىلدىڭ قورىتىندىسى بويىنشا كومپانيا وتاندىق وندىرۋشىلەردەن شامامەن 577 ملرد تەڭگەگە ءونىم مەن قىزمەت ساتىپ الدى. وسى كولەمنىڭ شامامەن 27%-ى، ياعني 152 ملرد تەڭگەسى، الماتىنىڭ كاسىپورىندارىنا تيەسىلى.  بۇل قالانىڭ ءوڭىرارالىق كووپەراسيا جۇيەسىندەگى ماڭىزدى ءرولىن ايقىندايدى.

اتالعان كورسەتكىش ءوڭىرارالىق كووپەراسيانىڭ الەۋەتى جوعارى ەكەنىن كورسەتىپ، ونەركاسىپتىك كاسىپورىندار مەن بيزنەس اراسىنداعى سەرىكتەستىكتى ودان ءارى كەڭەيتۋدىڭ ماڭىزدىلىعىن راستايدى.

مەموراندۋم اياسىندا «قازاقمىس» توبىنىڭ كاسىپورىندارى مەن  «الماتى يندۋستريالىق ايماعى» ج ش س («الماتى» اكك» اق ەنشىلەس ۇيىمى) رەزيدەنتتەرى اراسىنداعى كووپەراسيانى دامىتۋ، وتاندىق وندىرۋشىلەردەن ساتىپ الۋ ۇلەسىن ارتتىرۋ، وندىرىستىك قاجەتتىلىك بويىنشا اقپارات الماسۋ، سونداي-اق بىرلەسكەن ىسكەرلىك ءىس-شارالار مەن كەلىسسوزدەر وتكىزۋ كوزدەلىپ وتىر.

سونىمەن قاتار، شيكىزات رەسۋرسىن قايتا وڭدەۋ سالاسىن دامىتۋعا جانە قازاقستاندىق كاسىپورىندار نەگىزىندە جوعارى قوسىلعان قۇنى بار ونىمدەر ءوندىرىسىنىڭ تىزبەگىن قۇرۋعا ەرەكشە نازار اۋدارىلدى.

قازىرگى كەزدە «الماتى يندۋستريالىق ايماعى» اۋماعىندا 147 ينۆەستيسيالىق جوبا جۇزەگە اسىرىلۋدا، ونىڭ ىشىندەگى 57 كاسىپورىن ىسكە قوسىلدى. ينۆەستيسيانىڭ جالپى كولەمى 884 ملرد تەڭگەنى قۇرايدى. 2026 جىلى دا جالپى سوماسى 10،3 ملرد تەڭگە بولاتىن 8 ينۆەستيسيالىق جوبانى ىسكە قوسۋ جوسپارلانىپ وتىر.

مەموراندۋمعا قول قويۋ ءوڭىرارالىق ىنتىماقتاستىقتى كەڭەيتۋگە، وتكىزۋ نارىعىن ءارتاراپتاندىرۋعا جانە قازاقستاننىڭ ونەركاسىپتىك الەۋەتىن ودان ءارى نىعايتۋعا جاڭا مۇمكىندىك اشادى.