Qazaqstan taǵy da aqyly joldardy kóbeıtýdi kózdep otyr, – dep habarlaıdy Dalanews.kz.

Kólik mınıstri Marat Qarabaev aqyly joldar kóbeıetinin aıtty. Qazir elimizde uzyndyǵy 3,2 myń shaqyrym bolatyn 17 aqyly jol jumys istep tur. Byltyr osy joldardan 48 mıllıard teńge jınalǵan.

"Bıyl jóndeý jumystary aıaqtalǵan soń, taǵy 29 jol ýchaskesinde aqyly júıe engiziledi. Bul joldardyń jalpy uzyndyǵy - 6,2 myń shaqyrym. Nátıjesinde jınalatyn qarajat kólemi 100 mıllıard teńgeden asady", - dedi mınıstr Senattaǵy Úkimet saǵatynda.

Mınıstrdiń aıtýynsha, aldaǵy ýaqytta joldardy kútip ustaý, arnaıy tehnıkalar satyp alý jáne buryn alynǵan qaryzdardyń paıyzdaryn óteý de osy júıeden túsetin qarjy esebinen sheshilmek.