Qazaqstan sheteldik kapital tartý boiynsha Ortalyq Aziiada kósh bastady. Micky’s Institute zertteýine sáikes, jahandyq investitsiia aǵyny tómendese de, Qazaqstanǵa senim joǵary deńgeide saqtalǵan, dep habarlaidy Dalanews.kz.
Ulttyq bank derekterine qaraǵanda, elimiz jyl saiyn 20 mlrd dollardan astam tikelei sheteldik investitsiia tartady. 2023 jyly investitsiia aǵymy 23,9 mlrd dollardy qurap, al 2025 jyldyń birinshi jartyjyldyǵynda 10,1 mlrd dollar boldy. Bul Ortalyq Aziiadaǵy jalpy sheteldik investitsiialardyń shamamen 60%-yn quraidy.
Informburo deregine sáikes, sarapshylar eldiń turaqtylyǵyn Prezident Qasym-Jomart Toqaev júrgizip otyrǵan institýtsionaldy reformalarmen bailanystyrady. Oǵan biznes protsesterin jeńildetý, investorlardy qoldaý jáne kapitaldy shikizattyq emes sektorlarǵa baǵyttaý jatady.
Ekonomika shamamen 6% ósip keledi, infraqurylym men logistika, jańartylatyn energiia kózderi men qyzmet kórsetý salalary qarqyndy damýda. Investitsiialyq qoldaý aiasynda 210-nan astam jobaǵa $113 mlrd qarajat bólingen, onyń ishinde ónerkásiptik jobalar men KIA zaýyty sekildi iri óndiris oryndary bar. Sonymen qatar, «Báiterek» holdingi men «Astana» Halyqaralyq qarjy ortalyǵy siiaqty institýttar reformalanýda.
Qazaqstan tsifrlandyrý salasynda da aldyńǵy qatarda: el BUU elektrondyq úkimet indeksinde 24-orynda, bul ákimshilik kedergilerdi azaityp, investorlarǵa ashyqtyq pen senimdilikti qamtamasyz etedi.
Bul kórsetkishter Qazaqstannyń sheteldik investorlar úshin senimdi jáne tartymdy baǵyt bolyp qala beretinin taǵy bir márte dáleldeidi.
