قازاقستان شەتەلدٸك كاپيتال تارتۋ بويىنشا ورتالىق ازييادا كٶش باستادى. Micky’s Institute زەرتتەۋٸنە سەيكەس, جاھاندىق ينۆەستيتسييا اعىنى تٶمەندەسە دە, قازاقستانعا سەنٸم جوعارى دەڭگەيدە ساقتالعان, دەپ حابارلايدى Dalanews.kz.
ۇلتتىق بانك دەرەكتەرٸنە قاراعاندا, ەلٸمٸز جىل سايىن 20 ملرد دوللاردان استام تٸكەلەي شەتەلدٸك ينۆەستيتسييا تارتادى. 2023 جىلى ينۆەستيتسييا اعىمى 23,9 ملرد دوللاردى قۇراپ, ال 2025 جىلدىڭ بٸرٸنشٸ جارتىجىلدىعىندا 10,1 ملرد دوللار بولدى. بۇل ورتالىق ازيياداعى جالپى شەتەلدٸك ينۆەستيتسييالاردىڭ شامامەن 60%-ىن قۇرايدى.
Informburo دەرەگٸنە سەيكەس, ساراپشىلار ەلدٸڭ تۇراقتىلىعىن پرەزيدەنت قاسىم-جومارت توقاەۆ جٷرگٸزٸپ وتىرعان ينستيتۋتسيونالدى رەفورمالارمەن بايلانىستىرادى. وعان بيزنەس پروتسەستەرٸن جەڭٸلدەتۋ, ينۆەستورلاردى قولداۋ جەنە كاپيتالدى شيكٸزاتتىق ەمەس سەكتورلارعا باعىتتاۋ جاتادى.
ەكونوميكا شامامەن 6% ٶسٸپ كەلەدٸ, ينفراقۇرىلىم مەن لوگيستيكا, جاڭارتىلاتىن ەنەرگييا كٶزدەرٸ مەن قىزمەت كٶرسەتۋ سالالارى قارقىندى دامۋدا. ينۆەستيتسييالىق قولداۋ اياسىندا 210-نان استام جوباعا $113 ملرد قاراجات بٶلٸنگەن, ونىڭ ٸشٸندە ٶنەركەسٸپتٸك جوبالار مەن KIA زاۋىتى سەكٸلدٸ ٸرٸ ٶندٸرٸس ورىندارى بار. سونىمەن قاتار, «بەيتەرەك» حولدينگٸ مەن «استانا» حالىقارالىق قارجى ورتالىعى سيياقتى ينستيتۋتتار رەفورمالانۋدا.
قازاقستان تسيفرلاندىرۋ سالاسىندا دا الدىڭعى قاتاردا: ەل بۇۇ ەلەكتروندىق ٷكٸمەت يندەكسٸندە 24-ورىندا, بۇل ەكٸمشٸلٸك كەدەرگٸلەردٸ ازايتىپ, ينۆەستورلارعا اشىقتىق پەن سەنٸمدٸلٸكتٸ قامتاماسىز ەتەدٸ.
بۇل كٶرسەتكٸشتەر قازاقستاننىڭ شەتەلدٸك ينۆەستورلار ٷشٸن سەنٸمدٸ جەنە تارتىمدى باعىت بولىپ قالا بەرەتٸنٸن تاعى بٸر مەرتە دەلەلدەيدٸ.
