Shyǵys Qazaqstan oblysyndaǵy «Maiqapshaǵai» keden beketinde janar-jaǵarmai materialdarynyń iri partiiasyn zańsyz áketý áreketiniń joly kesildi, dep habarlaidy dalanews.kz.
Memlekettik kirister komitetiniń málimetinshe, Qytaiǵa baǵyt alǵan tórt júk kóligi toqtatylǵan. Kórshiles eldiń azamattary memlekettik shekara arqyly 2,6 myń litr dizel otynyn zańsyz alyp ótpek bolǵan.
Zańsyz tasymaldaý shemasy júk kólikterine júrgizilgen tereńdetilgen tekserý barysynda anyqtalǵan. Keden qyzmetkerleri fýralardyń qurylymynan arnaiy jabdyqtar men qoldan jasalǵan qosymsha janarmai baktaryn tapqan. Tergeý málimetinshe, bul tehnikalyq ózgerister belgilengen normadan artyq kólemdegi otyndy zań talaptaryn ainalyp ótip, jasyryn tasymaldaý úshin paidalanylǵan.
Zań buzýshylyqqa jol bergen júrgizýshiler ákimshilik jaýapkershilikke tartylyp, árqaisysyna 34 myń teńge kóleminde aiyppul salyndy.
