Qazaqstan Reseimen dos elder reitinginde túsip ketken. Bul týraly reseishil mediada aityldy, - dep habarlaidy Dalanews.kz.
«Dostyq uǵymy, zertteý avtorlarynyń pikirinshe, ózara syilastyqqa, ortaq múddeler men tatý kórshilikke negizdelgen elderdiń qarym-qatynasyn boljaidy», - delingen jazbada.
Telegram-arna málimetinshe, búginde Resei Federatsiiasymen jaqyn dos elder qatarynda Ońtústik Osetiia, Belarýs pen Abhaziia bar. Bul elder ulttyq kommýnikatsiialardy damytý ǵylymi-zertteý institýtynyń reitingisine sáikes kóshbasshylar úshtigine kirgen.
Odan keiingi oryndarǵa – Qyrǵyzstan, Ózbekstan jáne Ázerbaijan jaiǵasqan. Al Qazaqstan segizinshi orynda. Tizim sońynda – Túrikmenstan men Armeniia.
«Jaqynda bizdiń elimizde jiilep ketken Reseige qarsy shabýyldar, eldi mekenderdiń ataýyn ózgertý, orys tilindegi telehabarlardyń azaiýy-osynyń bári osyndai qaiǵyly saldarǵa ákeledi. Resei siiaqty qýatty kórshimen birge ómir súrgen durys», - delingen jazbada.
Aita keteiik, reseilik belgili telejýrnalist Tina Kandelaki Qazaqstanda orys tiliniń aiasy taralyp jatqanyn aityp, dabyl qaqqan edi. Onyń bul málimdemesi qyzý talqyǵa tústi.
Kólik ministrligi keibir temirjol beketterin (Kosshokýdy - Qosshoqyǵa, Sai-Ýtesti - Saióteske; Ózendi - Jańaózenge, Ýraldy - Oralǵa) qaita ataý týraly Úkimet qaýlysynyń jobasyn jariialaǵan bolatyn.Tina Kandelaki Telegram-daǵy jeke paraqshasynda Qazaqstan osylaisha orys tilin memlekettik deńgeide yǵystyryp jatyr dep pikir jazdy.
Keiinnen SIM reseilik jýrnalist Tina Kandelaki Qazaqstanǵa kirmeitinin aitty. Artynsha Tina Kandelakidiń Qazaqstandaǵy biznesi toqtap qaldy.
