Astanada Qazaqstandyq blokchein-tehnologiialar jáne data-ortalyqtar qaýymdastyǵynyń Basqarma tóraǵasy Dáýren Qarashev pen CANAAN CONVEY vitse-prezidenti Devis Hýeidiń kezdesýi bolyp ótti.
Kezdesý barysynda taraptar kompaniianyń Qazaqstandyq blokchein-tehnologiialar jáne data-ortalyqtar qaýymdastyǵynyń músheligine kirýi týraly shartqa qol qoidy.
CANAAN CONVEY vitse-prezidenti Devis Hýei qazaqstandyq tsifrlyq mainerler naryǵy CANAAN CONVEY úshin tartymdy bolyp tabylatynyn erekshe atap ótip, Qazaqstan Ortalyq Aziia óńirindegi negizgi kriptohabqa ainalýy ábden múmkin ekenine senim bildirdi.
Kezdesýde qazaqstandyq tsifrlyq mainerlerdiń tsifrlyq mainingke arnalǵan jabdyqtaryn sapaly jańartý, «halving» qarsańynda olardyń jumysynyń tiimdiligin jaqsartý, bir mezgilde kómirtegi izin azaita otyryp, energiia tiimdiligin arttyrý salasyndaǵy yntymaqtastyq máseleleri talqylandy.
QBTQ basshysy Dáýren Qarashev búgingi tańda Qaýymdastyqtyń tikelei qatysýymen zańnamalyq negiz qurylǵanyn, oǵan sáikes tsifrlyq mainerler endi elimizdiń energiia júiesine qandai da bir qaýip tóndirmeitinin, kerisinshe, elektr energiiasyna suranys týǵyzatyn, sondai-aq energiia júiesin teńgerimdeýge, onyń ornyqty ári irkilissiz jumys isteýine járdemdesetin turaqty jáne tólem qabiletti tutynýshylar bolyp tabylatynyn atap ótti.
«Biz úshin kelesi basymdyqtar jasyl energetikaǵa basymdyq bere otyryp, tsifrlyq mainerlerdi úzdiksiz elektr energiiasymen qamtamasyz etý, tsifrlyq mainingke arnalǵan eń jańa jabdyqtardy paidalaný esebinen kómirtegi izin qysqartý bolyp tabylady.
Qaýymdastyǵymyzdyń músheleri, elimizdiń eń iri tsifrlyq mainerleri úshin CANAAN CONVEY siiaqty álemdik deńgeidegi kompaniiamen yntymaqtastyq jasaý strategiialyq jetistik bolyp tabylady», – dep atap ótti Dáýren Qarashev.
CANAAN CONVEY CO., LTD. 2013 jyly Qytaida qurylǵan. Ol blokchein-serverlerdi óndirýde jáne ASIC mikroprotsessorlyq sheshimderin ázirleýde álemdik kóshbasshylardyń biri bolyp tabylady.
