Qazaqstandaǵy "Keleshek mektepteri" men innovatsiialyq shyǵarmashylyq ortalyqtarynyń oqýshylary 2025 jylǵy 7–10 tamyz aralyǵynda Qytai Halyq Respýblikasynyń Makao qalasynda ótken FIRST LEGO League Asia Open Championship 2025 halyqaralyq chempionatynda tabysty óner kórsetti, dep habarlaidy Dalanews.kz.
Bul chempionat robototehnika, ǵylymi zertteýler men innovatsiialyq jobalar salasyndaǵy Aziiadaǵy eń iri alańǵa ainaldy. Álemniń 30-dan astam elinen kelgen 500-den astam komanda men 12 myńnan astam qatysýshy jinaldy. Biylǵy jarystyń taqyryby - "Sý asty álemin zertteý".
Úsh kúndik jarys qorytyndysy boiynsha qazaqstandyq oqýshylar injenerlik sheberlik, kreativtilik jáne komandalyq jumys boiynsha joǵary deńgei kórsetip, elimizdiń namysyn halyqaralyq arenada abyroimen qorǵady:
- eki qola medal – Champions Award jáne chempionattyń basty marapaty: Leas oqý ortalyǵynyń tárbielenýshileri (Explore sanaty, 6–10 jas) jáne Oral qalasynyń Oqýshylar saraiynyń "Subsquad" komandasy (Challenge sanaty, 10–16 jas).
6 arnaiy tóreshiler júldesi:
- Innovation Project Award – "Keleshek mektepteri" ulttyq jobasy aiasynda salynǵan Almaty qalasyndaǵy №97 mekteptiń Nova Team komandasy;
- Core Values Award – Leas oqý ortalyǵynyń Alliance komandasy;
- Challenge Solution Award jáne Innovation Project Award – "Keleshek mektepteri" ulttyq jobasy aiasynda salynǵan Túrkistan oblysyndaǵy №33 mekteptiń AquaBots komandasy;
- Core Values Award jáne Engineering Excellence Award – "Keleshek mektepteri" ulttyq jobasy aiasynda salynǵan Shymkent qalasyndaǵy №149 mekteptiń Yassi komandasy;
- Challenge Solution Award – "Keleshek mektepteri" ulttyq jobasy aiasynda salynǵan Qyzylorda oblysyndaǵy №290 mekteptiń OtAi komandasy;
- Team Poster Award – "Keleshek mektepteri" ulttyq jobasy aiasynda salynǵan Almaty qalasyndaǵy №97 mekteptiń Arctic Rescuers komandasy;
- Team Model Award – Almaty qalasyndaǵy oqýshylardyń "Alem" innovatsiialyq shyǵarmashylyq ortalyǵynyń Alem Innovators komandasy.
FIRST LEGO League — mektep oqýshylarynyń injenerlik jáne zertteý daǵdylaryn LEGO Education platformasy arqyly jobalyq qyzmet pen robototehnika salasynda damytýǵa baǵyttalǵan jetekshi halyqaralyq baǵdarlama. Eske sala keteiik, Qazaqstan men Ortalyq Aziia elderinde bul baǵdarlamanyń operatory — QR Oqý-aǵartý ministrliginiń tikelei qoldaýymen USTEM Foundation qoǵamdyq qory.
