قازاقستانداعى "كەلەشەك مەكتەپتەرٸ" مەن يننوۆاتسييالىق شىعارماشىلىق ورتالىقتارىنىڭ وقۋشىلارى 2025 جىلعى 7–10 تامىز ارالىعىندا قىتاي حالىق رەسپۋبليكاسىنىڭ ماكاو قالاسىندا ٶتكەن FIRST LEGO League Asia Open Championship 2025 حالىقارالىق چەمپيوناتىندا تابىستى ٶنەر كٶرسەتتٸ, دەپ حابارلايدى Dalanews.kz.
بۇل چەمپيونات روبوتوتەحنيكا, عىلىمي زەرتتەۋلەر مەن يننوۆاتسييالىق جوبالار سالاسىنداعى ازيياداعى ەڭ ٸرٸ الاڭعا اينالدى. ەلەمنٸڭ 30-دان استام ەلٸنەن كەلگەن 500-دەن استام كوماندا مەن 12 مىڭنان استام قاتىسۋشى جينالدى. بيىلعى جارىستىڭ تاقىرىبى - "سۋ استى ەلەمٸن زەرتتەۋ".
ٷش كٷندٸك جارىس قورىتىندىسى بويىنشا قازاقستاندىق وقۋشىلار ينجەنەرلٸك شەبەرلٸك, كرەاتيۆتٸلٸك جەنە كوماندالىق جۇمىس بويىنشا جوعارى دەڭگەي كٶرسەتٸپ, ەلٸمٸزدٸڭ نامىسىن حالىقارالىق ارەنادا ابىرويمەن قورعادى:
- ەكٸ قولا مەدال – Champions Award جەنە چەمپيوناتتىڭ باستى ماراپاتى: Leas وقۋ ورتالىعىنىڭ تەربيەلەنۋشٸلەرٸ (Explore ساناتى, 6–10 جاس) جەنە ورال قالاسىنىڭ وقۋشىلار سارايىنىڭ "Subsquad" كومانداسى (Challenge ساناتى, 10–16 جاس).
6 ارنايى تٶرەشٸلەر جٷلدەسٸ:
- Innovation Project Award – "كەلەشەك مەكتەپتەرٸ" ۇلتتىق جوباسى اياسىندا سالىنعان الماتى قالاسىنداعى №97 مەكتەپتٸڭ Nova Team كومانداسى;
- Core Values Award – Leas وقۋ ورتالىعىنىڭ Alliance كومانداسى;
- Challenge Solution Award جەنە Innovation Project Award – "كەلەشەك مەكتەپتەرٸ" ۇلتتىق جوباسى اياسىندا سالىنعان تٷركٸستان وبلىسىنداعى №33 مەكتەپتٸڭ AquaBots كومانداسى;
- Core Values Award جەنە Engineering Excellence Award – "كەلەشەك مەكتەپتەرٸ" ۇلتتىق جوباسى اياسىندا سالىنعان شىمكەنت قالاسىنداعى №149 مەكتەپتٸڭ Yassi كومانداسى;
- Challenge Solution Award – "كەلەشەك مەكتەپتەرٸ" ۇلتتىق جوباسى اياسىندا سالىنعان قىزىلوردا وبلىسىنداعى №290 مەكتەپتٸڭ OtAi كومانداسى;
- Team Poster Award – "كەلەشەك مەكتەپتەرٸ" ۇلتتىق جوباسى اياسىندا سالىنعان الماتى قالاسىنداعى №97 مەكتەپتٸڭ Arctic Rescuers كومانداسى;
- Team Model Award – الماتى قالاسىنداعى وقۋشىلاردىڭ "Alem" يننوۆاتسييالىق شىعارماشىلىق ورتالىعىنىڭ Alem Innovators كومانداسى.
FIRST LEGO League — مەكتەپ وقۋشىلارىنىڭ ينجەنەرلٸك جەنە زەرتتەۋ داعدىلارىن LEGO Education پلاتفورماسى ارقىلى جوبالىق قىزمەت پەن روبوتوتەحنيكا سالاسىندا دامىتۋعا باعىتتالعان جەتەكشٸ حالىقارالىق باعدارلاما. ەسكە سالا كەتەيٸك, قازاقستان مەن ورتالىق ازييا ەلدەرٸندە بۇل باعدارلامانىڭ وپەراتورى — قر وقۋ-اعارتۋ مينيسترلٸگٸنٸڭ تٸكەلەي قولداۋىمەن USTEM Foundation قوعامدىق قورى.
