Qazaqstannyń memlekettik obligatsiialary halyqaralyq esep aiyrysý júiesine qosylýy múmkin, dep habarlaidy Dala News.
27 sáýirde Qazaqstan Ulttyq Banki Euroclear qazaqstandyq memlekettik baǵaly qaǵazdardy óz júiesine engizý jobasyn bastaǵanyn málimdedi.
Joba iske assa, sheteldik investorlar Qazaqstan obligatsiialaryn tikelei satyp ala alady. Iaǵni damyǵan elderdiń qaǵazdaryn qalai alsa, dál solai ońai qoljetimdi bolady.
Qosylý 2027 jylǵa josparlanyp otyr.
Qazirgi tańda mundai operatsiialarǵa qoljetimdilik bar, biraq kúrdeli tetikter arqyly júzege asady. Jańa format osy kedergilerdi azaitýy tiis.
Bul ózgeris birneshe baǵytta áser etýi múmkin.
Birinshiden, naryq keńeiedi. Qatysýshylar sany artyp, mámileler kóbeiedi.
Ekinshiden, memleketke qarjy tartý jeńildeidi. Investorlarǵa qoljetimdilik artqan saiyn obligatsiialarǵa suranys ta ósýi yqtimal.
Jalpy bul Qazaqstannyń jahandyq qarjy júiesine integratsiiasyn kúsheitýdi kózdeidi.
Bul qarapaiym azamattarǵa da janama áser etýi múmkin. Eger qazaqstandyq qaǵazdarǵa suranys artsa, bul teńgeni qoldaýy jáne paiyzdyq mólsherlemelerge qysymdy azaitýy yqtimal.
Aita keteiik, Euroclear júiesi arqyly ondaǵan trillion eýro aktivter ainalymda. Oǵan qosylý naryqqa jańa investitsiialar tartýǵa múmkindik beredi.
