Qazaqstanda munaı óńdeý kólemin qazirgi 18 mln tonnadan 39 mln tonnaǵa deıin ulǵaıtý josparlanyp otyr. Bul úshin eldegi úsh munaı óńdeý zaýytynyń qýatyn arttyrý qajet, dep habarlaıdy Dalanews.kz.
Sonymen qatar, derekke súıensek, jylyna 10 mln tonnaǵa deıin munaı óńdeı alatyn jańa munaı óńdeý zaýytyn salý úshin áleýetti ınvestorlar izdestirilip jatyr.
Búgin Qazaqstan men Qytaı Shymkent munaı óńdeý zaýytyn keńeıtý jobasyn birlesip ázirleýge kiriskeni belgili boldy. Zaýyttyń qýatyn jylyna 12 mln tonnaǵa deıin arttyrý kózdelip otyr. Shyǵys Qytaı jobalaý ınstıtýty bekitilgen tehnıkalyq tapsyrmaǵa sáıkes jumysty bastaýǵa daıyn ekenin rastaǵan.
Sındao qalasynda ótken Energetıka mınıstrligi ókilderiniń kelissózderi barysynda zaýytty "6+6" syzbasy boıynsha keńeıtý konfıgýrasıasy bekitildi. Iaǵnı árqaısynyń qýaty 6 mln tonnadan bolatyn eki tehnologıalyq jeli iske qosylyp, jańa óndiristik qýattar qoldanystaǵy nysandarmen tolyq biriktirilmek.
