Qara teńizdegi Kaspii qubyr konsortsiýmynyń teńiz terminalynda qazaqstandyq munaidy jatqan eki tankerge drondarmen shabýyl jasaldy. Saldarynan kemelerde órt shyqqanymen, ekipaj músheleri jalyndy der kezinde sóndirip úlgergen. Zardap shekkender joq, sondai-aq munaidyń teńizge tógilýine jol berilmedi, dep habarlaidy dalanews.kz.
Oqiǵaǵa bailanysty Qazaqstannyń Energetika ministrligi azamattyq energetikalyq infraqurylymǵa baǵyttalǵan mundai shabýyldardy jol berýge bolmaityn áreket dep baǵalady. Qazirgi ýaqytta oqiǵanyń barlyq saldary anyqtalǵanǵa deiin terminalda munai tieý jumystary ýaqytsha toqtatyldy.
Sonymen qatar, Syrtqy ister ministrligi 17 jáne 19 shildede Qara teńizde bolǵan dron shabýyldaryn qatań aiyptady. Vedomstvonyń málimetinshe, bul áreketter Qazaqstannyń ekonomikalyq múddelerine ziian keltirip qana qoimai, halyqaralyq energetika naryǵy men kólik-logistikalyq tizbekterdiń turaqtylyǵyna da qaýip tóndiredi.
Ministrlik azamattyq kemelerdiń qaýipsizdigin qamtamasyz etý maqsatynda mundai shabýyldardy dereý toqtatýǵa shaqyrdy.
